സാങ്കേതികവിദ്യയിലും വികസനകാര്യങ്ങളിലും മറ്റുരാജ്യങ്ങള്‍ക്ക് മാതൃകയാക്കാറുള്ള ചൈന ഇത്തവണ ലോകത്തിന് പരിചയപ്പെടുത്തുന്നത്, കരയിലും വെള്ളത്തിലും പറക്കുന്ന ഏറ്റവും വലിയ വിമാനമാണ്. എ ജി 600 എന്ന ഈ ഭീമന്‍വിമാനത്തിന്റെ പരിശീലനപ്പറക്കല്‍ വിജയകരമായി പൂര്‍ത്തിയാക്കി. കടലിലെ രക്ഷാപ്രവര്‍ത്തനം, കാട്ടുതീ, സമുദ്രനിരീക്ഷണം തുടങ്ങിയ ആവശ്യങ്ങള്‍ക്കായാണ് ഇത് ഉപയോഗിക്കപ്പെടുക. ചൈനീസ് വിമാനനിര്‍മ്മാണ കമ്പനിയായ ഏവിയേഷന്‍ ഇന്‍ഡസ്ട്രി കോര്‍പ്പറേഷനാണ് കുംഗ്‌ലോംഗ് എന്ന ഓമനപ്പേരിലറിയപ്പെടുന്ന ഈ വിമാനം നിര്‍മ്മിച്ചിരിക്കുന്നത്. വിമാനത്താവളത്തില്‍ നിന്നും പറന്നുയര്‍ന്ന വിമാനം ഹുബെയ് പ്രവിശ്യയിലെ ജിംഗ്മെനിലെ തടാകത്തിലാണ് പറന്നിറങ്ങിയത്. 

കുംഗ്‌ലോംഗിനെ നയിക്കാനായി നാല് ജീവനക്കാരാണുള്ളത്. 12 മണിക്കൂര്‍ തുടര്‍ച്ചയായി പ്രവര്‍ത്തിക്കുന്ന നാല് എന്‍ജിനുകളാണ് ഇതിനുള്ളത്. 145 കിമീ വരെ വേഗത്തില്‍ കുംഗ്‌ലോംഗിന് വെള്ളത്തില്‍ സഞ്ചരിക്കാന്‍ കഴിയും. കഴിഞ്ഞമാസമാണ് അവസാനവട്ട പരിശോധനകളും കഴിഞ്ഞ് കുംഗ്‌ലോംഗ് പറക്കലിനായി തയ്യാറെടുത്തത്.