കുടുംബശ്രീയുടെ നേതൃത്വത്തില്‍ രാജ്യത്തെ ആദ്യ മഹിളാമാള്‍ കോഴിക്കോട്
'പെണ്‍കരുത്തിന്റെ കയ്യൊപ്പ്' എന്ന മുദ്രാവാക്യവുമായി രാജ്യത്തെ ആദ്യ മഹിളാമാള്‍ കോഴിക്കോട്ട് നഗരത്തില്‍ മുഖ്യമന്ത്രി ശനിയാഴ്ച ഉദ്ഘാടനം ചെയ്യും. കോഴിക്കോട് കോര്‍പ്പറേഷനിലെ കുടുംബശ്രീ സി.ഡി.എസ് യൂണിറ്റാണ് വ്യവസായ രംഗത്തെ പുത്തന്‍ സംരംഭത്തിന് തുടക്കം കുറിക്കുന്നത്.
തികച്ചും സ്ത്രീസൗഹൃദമായാണ് മാളിന്റെ പ്രവര്‍ത്തനം. ഭരണനിര്‍വ്വഹണം മുതല്‍ സുരക്ഷാചുമതല വരെ സ്ത്രീകളുടെ മേല്‍നോട്ടത്തിലാണ് നടക്കുന്നത്്. വനിതാ വികസന കോര്‍പറേഷന്‍ ഹെല്‍പ് ഡെസ്‌ക്, വനിതാ കോഓപറേഷന്‍ ബാങ്ക്, കുടുംബ കൗണ്‍സലിങ് സെന്റര്‍ തുടങ്ങിയവയും മാളില്‍ പ്രവര്‍ത്തിക്കുന്നുണ്ട്. 103 സംരഭ ഗ്രൂപ്പുകളാണ് മാളിലുള്ളത്. ഇതില്‍ 70 സംരഭങ്ങള്‍ കുടുംബശ്രീയുടേതും ബാക്കിയുള്ളവ സ്വകാര്യ വനിതാ സംരഭകരുടേതാണ്.
കുടുംബശ്രീ അംഗങ്ങള്‍ ഉല്‍പ്പാദിപ്പിക്കുന്ന ചെറുകിട ഉത്പന്നങ്ങളുടെ വിപണനത്തിനായി സ്ഥിരം എക്‌സിബിഷന്‍ സെന്ററും മൈക്രോബസാറും മാളിനോട് ചേര്‍ന്ന് പ്രവര്‍ത്തിക്കും. അഞ്ച് നിലകളിലായി 36000 ചതുരശ്രഅടി വിസ്തീര്‍ണമാണ് മാളിനുള്ളത്. രാവിലെ 10 മുതല്‍ രാത്രി 10 വരെയാണ് പ്രവര്‍ത്തന സമയം.
https://www.facebook.com/Malayalivartha
