സെല്ഫി പ്രേമികള്ക്കായി 16 പിന് ക്യാമറകളുമായി എല് ജി
സാംസങ്ങിന്റെ കൊറിയന് എതിരാളി എല്ജി ഇലക്ട്രോണിക്സ് 16 ക്യാമറകളുള്ള ഫോണ് ഇറക്കാനുള്ള പേറ്റന്റ് നേടിയതായി സൂചന. ഈ ക്യാമറകള് ഫൊട്ടോഗ്രഫിയില് പുതിയ സാധ്യതകള് കൊണ്ടുവരാന് കെല്പ്പുള്ളതായിരിക്കും. പേറ്റന്റ് ലഭിച്ചുവെന്ന് കരുതി ഈ ഫോണ് യാഥാര്ഥ്യമാകണമെന്നില്ല.
ഒരേസമയത്ത് എല്ജി ഫോണിന്റെ വിവിധ ഫോക്കല് ലെങ്തിലുള്ള 16 ക്യാമറകള്ക്കും ഫോട്ടോ എടുക്കാനാകും എന്നതാണ് ഇതിന്റെ പ്രധാന പ്രത്യേകത. ഫോട്ടോ എടുത്ത ശേഷം ഫോട്ടോഗ്രാഫര്ക്ക് ഇവയില് ഏതെല്ലാം വേണമെന്ന് തീരുമാനിക്കാം. പോര്ട്രെയ്റ്റ് ഫൊട്ടോഗ്രഫിയില് മാറ്റം വരുത്താനും പുതിയ ഫോണിന് കഴിയും. വ്യത്യസ്ത ഫോക്കല് ലെങ്തുകളില് ചിത്രമെടുക്കാമെന്നതാണ് ഇതിന്റെ മറ്റൊരു പ്രത്യേകത. വൈഡ് ആംഗിള്, ഫിഷ്ഐ, ടെലീഫോട്ടോ, മാക്രോ തുടങ്ങി പലതരം ലെന്സുകള് ഉള്പ്പെടെയായിരിക്കും എല്ജിയുടെ ഫോണ് എത്തുക.
കൂടാതെ, ഫോണിന്റെ പിന്നില് ക്യാമറക്കൂട്ടത്തിനൊപ്പം ഒരു കണ്ണാടിയും ഫഌഷും ഉണ്ടാകും. പിന് ക്യാമറകള് ഉപയോഗിച്ച് സെല്ഫി എടുക്കല് സുഗമമാക്കാനാണ് കണ്ണാടി ഇതില് ഉള്പ്പെടുത്തിയിട്ടുള്ളത്. സെല്ഫി എടുക്കുന്ന വേളയില് അല്പ്പം വെളിച്ചം മുഖത്തേക്കടിക്കാനും കണ്ണട ഉപകരിച്ചേക്കും. ഇതിലൂടെ ഒറ്റയടിക്കു 16 സെല്ഫി എടുക്കാനും അവയില് ഇഷ്ടപ്പെട്ടവ സേവു ചെയ്യാനും കഴിയും.
ഒറ്റ ക്യാമറയുള്ള ഫോണുകളില് നിന്ന് ഇരട്ട ലെന്സുകളുള്ള ഫോണുകള് കൊണ്ടുവരാന് മുന്നോട്ടിറങ്ങിയ കമ്പനികള് വാവെയ്ലൈക്കയും ആപ്പിളുമാണെങ്കില് മൂന്നു ക്യാമറകള് ഇറക്കി വിജയം നേടിയത് വാവെയ്ലൈക്ക സഖ്യമാണ്. അടുത്ത കാലത്തിറങ്ങിയ സാംസങ് ഗ്യാലക്സി എ9 എത്തിയത് നാലു പിന് ക്യാമറകളുമായാണ്. നോക്കിയ ഒരു അഞ്ചു ക്യാമറകളുള്ള ഫോണിന്റെ പണിപ്പുരയിലാണ്.
ഈ വര്ഷം എല്ജി പുറത്തിറക്കിയ വി40 തിങ്ക് ഫോണ് എത്തിയത് മൂന്നു പിന് ക്യാമറകളും രണ്ട് മുന് ക്യാമറകളുമായാണ്. പിന് ക്യാമറാ സിസ്റ്റം ഈ വര്ഷത്തെ മികച്ച പ്രകടനം നടത്തുന്ന ക്യാമറകള്ക്കൊപ്പം നില്ക്കാന് എല്ജിയെ സഹായിക്കും.
https://www.facebook.com/Malayalivartha
