വാട്സാപ്പ് ഉപയോഗിക്കുമ്പോൾ നമ്മൾ ഓൺലൈനിൽ ഉണ്ടെന്ന് ആരും അറിയരുതെന്ന് ഒരിക്കലെങ്കിലും ആഗ്രഹിച്ചിട്ടില്ലേ? ഇപ്പോൾ ഇതാ ആ ആഗ്രഹം സഫലമാകാൻ പോകുകയാണ്. വാട്ട്സ്ആപ്പ് ഉപയോക്താക്കൾ ഓൺലൈനിലുണ്ടോ ഇല്ലയോ എന്നത് ആരൊക്കെ കാണണമെന്ന് സ്വയം തീരുമാനിക്കാവുന്നതാണ്.

ഈ വിവരം റിപ്പോർട്ട് ചെയ്തത് വാട്ട്സ്ആപ്പ് ബീറ്റാ ഇൻഫോ വെബ്‌സൈറ്റാണ്. ഗൂഗിൾ പ്ലേ ബീറ്റാ പ്രോഗ്രാമിന്റെ ഭാഗമായി കുറച്ച് പേർക്ക് ഈ ഫീച്ചർ കിട്ടും. വാട്ട്സ്ആപ്പ് ബീറ്റ ആൻഡ്രോയിഡ് 2.22.20.9 ലാണ് ഫീച്ചർ ഉൾപ്പെടുത്തിയിരിക്കുന്നത്.

സെറ്റിങ്സ് മാറ്റുന്ന കാര്യത്തിൽപ്രയാസമൊന്നും ഇല്ല.വാട്ട്സ്ആപ്പ് സെറ്റിങ്‌സിൽ പ്രൈവസി സെക്ഷൻ എടുക്കുക. Last Seen and Online എടുക്കുക. Everyone, Same as Last seen എന്ന രണ്ട് ഓപ്ഷനുകളുണ്ടാവും. ഇതിൽ Everyone കൊടുത്താൽ ഓൺലൈനിൽ ഉള്ളത് എല്ലാവർക്കും കാണാൻ കഴിയും.

Last Seen തിരഞ്ഞെടുത്താൽ ലാസ്റ്റ് സീൻ സ്റ്റാറ്റസ് കാണാൻ കഴിയുന്നവർക്കെല്ലാം ഓൺലൈൻ സ്റ്റാറ്റസ് കാണാം. ഓൺലൈനിലുള്ളത് ആരും അറിയേണ്ട എങ്കിൽ ലാസ്റ്റ് സീൻ Nobody കൊടുത്ത് ഓൺലൈൻ സ്റ്റാറ്റസ് Same as Last seen കൊടുക്കുക. നിലവിൽ ഈ സെറ്റിങ്സ് എല്ലാവർക്കും ലഭ്യമാകുന്നില്ല എന്നതാണ് ശ്രദ്ധേയമായ കാര്യം. എന്തായാലും നമ്മൾ കാത്തിരുന്ന ആ സംവിധാനം എത്രയും വേഗത്തിൽ പ്രാബല്യത്തിൽ വരാനുള്ള കാത്തിരിപ്പാണ് ഇനി തുടരുന്നത്.

ചാറ്റ് തിരയുന്നത് സംബന്ധിച്ച പുതിയ അപ്ഡേറ്റ് നേരത്തെ വാട്ട്സാപ്പ് അറിയിച്ചത്. ഉപയോക്താക്കൾക്ക് തീയതി അനുസരിച്ച് ചാറ്റ് തിരയാൻ കഴിയും എന്നതാണ് ഈ ഫീച്ചറിന്‍റെ ഏറ്റവും വലിയ പ്രത്യേകത. അധികം താമസിയാതെ ഐഒഎസ് ഉപഭോക്താക്കൾക്ക് ഈ ഫീച്ചർ ലഭ്യമാകും.