ബസ് യാത്ര തുടങ്ങുന്നതു മുതല് രക്ഷിതാക്കള്ക്ക് യാത്ര നിരീക്ഷിക്കാനാകും... സ്കൂള് ബസ് എപ്പോഴെത്തുമെന്ന് മൊബൈല് ആപ്പിലൂടെയറിയാം... സ്കൂള് വാഹനങ്ങളുടെ യാത്ര നിരീക്ഷിക്കാനായി 'വിദ്യാവാഹന്' ആപ്പ് എത്തുന്നു.....
സ്കൂള് ബസ് എപ്പോഴെത്തുമെന്ന് മൊബൈല് ആപ്പില്.. സ്കൂള്വാഹനങ്ങളുടെ യാത്ര നിരീക്ഷിക്കാനായി 'വിദ്യാവാഹന്' ആപ്പ് ഇന്ന് പ്രവര്ത്തനസജ്ജമാകും. മുഖ്യമന്ത്രി പിണറായി വിജയന് ബുധനാഴ്ച പദ്ധതി ഉദ്ഘാടനം ചെയ്യും.
സ്കൂള് വാഹനങ്ങളെ ജി.പി.എസുമായി ബന്ധിപ്പിച്ച് മോട്ടോര്വാഹനവകുപ്പ് തയ്യാറാക്കിയ 'സുരക്ഷാമിത്ര' സോഫ്റ്റ് വെയറില്നിന്നുള്ള വിവരങ്ങളാണ് മൊബൈല് ആപ്പിലൂടെ അറിയാന് സാധിക്കുക.
നിലവില് അംഗീകൃത സ്കൂള് വാഹനങ്ങള്ക്കെല്ലാം വെഹിക്കിള് ലൊക്കേഷന് ഡിവൈസ് (ജി.പി.എസ്.) നിര്ബന്ധമാണ്. വാഹനത്തിന്റെ സഞ്ചാരപഥം, വേഗം എന്നിവയെല്ലാം ഓണ്ലൈനിലൂടെ അറിയാന് കഴിയും.
വാഹനം അപകടത്തില്പ്പെട്ടാല് വിവരം ഉടന് കണ്ട്രോള് റൂമിലെത്തും. 'സുരക്ഷാമിത്ര' സംവിധാനം രണ്ടുവര്ഷത്തിലേറെയായി സജ്ജമാണെങ്കിലും മൊബൈല് ആപ്പ് ഇല്ലാത്തതിനാല് ഇതിന്റെ പ്രയോജനം രക്ഷിതാക്കള്ക്കും സ്കൂള് അധികൃതര്ക്കും കിട്ടിയിരുന്നില്ല.
'സുരക്ഷാമിത്ര'യില് നിന്നുള്ള ഡേറ്റ ആപ്പിലേക്ക് സ്വീകരിക്കുന്നതിലെ തടസ്സമായിരുന്നു കാരണം. അടുത്തിടെയാണ് ഇതിന് പരിഹാരമായത്.
വിദ്യാവാഹന്' ആപ്പ് ഗൂഗിള് പ്ലേസ്റ്റോറില് നിന്ന് ഡൗണ്ലോഡ് ചെയ്യണം. രക്ഷിതാവിന്റെ മൊബൈല് നമ്പറിലാണ് രജിസ്റ്റര് ചെയ്യേണ്ടത്. ഈ നമ്പറായിരിക്കണം സ്കൂളിലും കൊടുക്കേണ്ടത്. ഓരോ സ്കൂള്വാഹനങ്ങള്ക്കും പ്രത്യേക യൂസര്നെയിമും ലോഗിനും നല്കിയിട്ടുണ്ട്. ഇതുപയോഗിച്ച് ബസിന്റെ റൂട്ട് മാപ്പും യാത്രചെയ്യുന്ന കുട്ടികളുടെ വിവരങ്ങളും (രക്ഷിതാക്കളുടെ മൊബൈല് നമ്പറും) ഉള്ക്കൊള്ളിക്കണം.
ബസ് യാത്ര തുടങ്ങുന്നതുമുതല് രക്ഷിതാക്കള്ക്ക് യാത്ര നിരീക്ഷിക്കാനാകും. അതിവേഗമെടുത്താല് രക്ഷിതാവിനും മുന്നറിയിപ്പ് കിട്ടും. കുട്ടികള് വെവ്വേറെ സ്കൂളുകളിലാണെങ്കിലും ഒറ്റ ആപ്പില് നിരീക്ഷിക്കാവുന്നതാണ്. . 24,530 സ്കൂള് ബസുകള് സുരക്ഷാമിത്രയില് ഉള്ക്കൊള്ളിച്ചിട്ടുണ്ട്. ആപ്പ് സൗജന്യമാണ്.
"
https://www.facebook.com/Malayalivartha
