മൊബൈൽ ഫോണുകളിലെ പരീക്ഷണങ്ങൾ അവസാനിക്കുന്നില്ല; സിം കാർഡിന് പകരം ഇനി ചിപ്പുകൾ
ഫ്രാങ്ക്ഫര്‍ട്ട്: മിന്നല്‍ വേഗതയിലാണ് മൊബൈല്‍ ഫോണുകളുടെ പരിണാമങ്ങള്‍ നടക്കുന്നത്. ആദ്യകാലങ്ങളിലെ തടിച്ച മൊബൈലുകളിൽ നിന്നും നേർത്ത് മെലിഞ്ഞ രീതിയിലുള്ള മൊബൈലുകളിലേയ്ക്ക് കാലം നമ്മളെ കൊണ്ട് ചെന്നെത്തിച്ചു. ഇവിടം കൊണ്ടും തീരുന്നില്ല സാങ്കേതിക വിദ്യയുടെ അനന്ത സാധ്യതകൾ.
മൊബൈല്‍ ഫോണുകളുടെ മര്‍മ്മം സിം കാര്‍ഡ് ആണ്. ആദ്യകാല സിം കാർഡുകളിൽ നിന്നും ക്രമേണ മാറ്റങ്ങൾ നൽകി മൈക്രോ സിം, മിനി സിം, നാനോ സിം എന്നിങ്ങനെ പല വലിപ്പ വ്യത്യാസങ്ങളില്‍ ഇവ എത്തിച്ചു. എന്നാൽ സിം കാർഡ് എന്ന സാങ്കേതിക വിദ്യ തന്നെ ഉപേക്ഷിച്ച് പുതിയൊരു മാർഗ്ഗം സ്വീകരിക്കുകയാണ് ആഗോള മൊബൈല്‍ നെറ്റ്‌വര്‍ക്ക് ഓപറേറ്റഴ്‌സിന്റെ അസ്സോസിയേഷനായ ജി എസ് എം എ.
പുതിയ കണക്ക്ഷന്‍ എടുക്കുന്നതിനായി പുതിയ സിം കാര്‍ഡ് വാങ്ങേണ്ടതില്ല. ഓരോ ഫോണിലും സ്വിം കാര്‍ഡിന് പകരമായി പുതിയ നിലവാരത്തിലുള്ള ഇലക്രേ്ടാണിക് ചിപ്പ് അഥവാ എംബെഡ്ഡ്ഡ് സിം (ഇ-സിം) ഉണ്ടാകും.
സ്മാർട്ട് ഡിവൈസുകളുടെ മദര്‍ ബോര്‍ഡുകളില്‍ അഭിവാജ്യ ഭാഗമായ രീതിയില്‍ വെര്‍ച്വല്‍ സ്‌പേസില്‍ ആയിരിക്കും ഇ-സിം സിമ്മുകളുടെ സ്ഥാനം. ഇ-സിം കൊണ്ടുള്ള പ്രധാന ഗുണം വിവിധ കണക്ഷനുകള്‍ക്ക് വേണ്ടി വെവ്വേറെ സ്വിമ്മുകള്‍ കൊണ്ട് നടക്കേണ്ട എന്നതാണ്.
ഓരോ ഫോണിനും ഒരു സിം കാര്‍ഡ് എന്ന സംവിധാനത്തിലേക്കു മാറും. പുതിയൊരു കണക്ക്ഷന്‍ എടുക്കുമ്പോൾ ആ കണക്ഷന്റെ ഐ ഡി ഇ ഫോണില്‍ നല്‍കിക്കൊണ്ട് ഉപയോഗിക്കുകയാണ് ചെയ്യുക. ഒരു നമ്പറും ഒരു പ്ലാനും വിവിധ ഡിവൈസുകളില്‍ ഉപയോഗിക്കാം എന്നതാണ് ഈ ഇ-സിം സിമ്മിന്റെ പ്രത്യേകത.
ഉദാഹരണത്തിന്, ഐഫോണില്‍ ഉപയോഗിക്കുന്ന അതെ നമ്പർ തന്നെ ആപ്പിളിന്റെ സ്മാര്‍ട്ട് വാച്ചിലും സെറ്റ് ചെയ്യാം. വിദേശ സഞ്ചാരം നടത്തുന്നവര്‍ക്ക് വളരെയേറെ പ്രയോജനപ്പെടുന്ന ഒന്നാണ് ഇ-സിം സംവിധാനം. ഓരോ രാജ്യത്ത് ചെല്ലുമ്പോഴും സ്വിം കാര്‍ഡ് മാറ്റി ഇടേണ്ട. അതാതു രാജ്യങ്ങളിലെ മൊബൈല്‍ സര്‍വീസ് ദാതാക്കളില്‍ നിന്ന് ലഭിക്കുന്ന ഐ ഡി ഇ ഫോണില്‍ മാറ്റി നല്‍കിയാല്‍ മതി.
കൂടാതെ കുറെ സിം കാര്‍ഡുകള്‍ ഉപയോഗിക്കുന്നവര്‍ക്ക് അവ നഷ്ടപ്പെടാനുള്ള സാധ്യതയും ഇല്ലാതാക്കുന്നു. വിവിധ രാജ്യങ്ങളിലെ ടെലികോം വകുപ്പുകള്‍ ഇതിനകം തന്നെ ഇ-സിം ഉപയോഗിക്കാനുള്ള അനുമതി മൊബൈല്‍ സര്‍വീസ് പ്രൊവൈഡറന്‍മാര്‍ക്ക് നല്‍കിക്കഴിഞ്ഞു.
സാംസങ്, ഗൂഗിള്‍, ആപ്പിള്‍ തുടങ്ങിയ സ്മാര്‍ട്ട് ഫോണ്‍ നിര്‍മാതാക്കള്‍ ഇ-സിം സംവിധാനത്തെ സ്വീകരിക്കാന്‍ ഒരുങ്ങിയിട്ടുണ്ട്. ഗൂഗിളിന്റെ പിക്‌സല്‍ 2 ഫോണുകളിലാണ് ആദ്യമായി ഇ-സിം സംവിധാനം ഉള്‍പ്പെടുത്തിയത്.
https://www.facebook.com/Malayalivartha
