ഓഹരി വിപണിയിൽ ഇടിവ്. വ്യാപാരത്തിന്റെ ഒരു ഘട്ടത്തിൽ ഇന്നത്തെ ഉയർന്ന നിലയിൽ നിന്ന് ബിഎസ്ഇ സെൻസെക്‌സ് 600 പോയിന്റ് ആണ് താഴ്ന്നത്. നിഫ്റ്റിയിലും സമാനമായ ഇടിവ് ദൃശ്യമായി. നിഫ്റ്റി 23,500 എന്ന സൈക്കോളജിക്കൽ ലെവലിനും താഴെയാണ്.

വെള്ളിയാഴ്ച മാത്രം വിദേശ നിക്ഷേപകർ 21,106 കോടിയുടെ നിക്ഷേപമാണ് ഓഹരി വിപണിയിൽ നിന്ന് പിൻവലിച്ചത്. ഇസ്രയേലും ഹിസ്ബുള്ളയും തമ്മിലുള്ള സംഘർഷം വർധിച്ചത് പശ്ചിമേഷ്യയിലെ എണ്ണ വിതരണത്തെ ബാധിച്ചേക്കുമെന്ന ഭീതിയിൽ എണ്ണവില വർധിച്ചിട്ടുണ്ട്. ഇന്ന് 2.50 ശതമാനത്തിന്റെ വർധനയാണ് എണ്ണവിലയിലുണ്ടായിരിക്കുന്നത്. നിലവിൽ ഇന്ത്യ മുഖ്യമായി ആശ്രയിക്കുന്ന ബ്രെൻഡ് ക്രൂഡിന്റെ വില ബാരലിന് 93 ഡോളറിന് മുകളിലാണുള്ളത്.

എണ്ണവിലയിലുണ്ടായ വർധന ഇന്ത്യൻ രൂപയിലും പ്രതിഫലിച്ചിരിക്കുകയാണ്. ഡോളറിനെതിരെ വ്യാപാരത്തിന്റെ ആരംഭത്തിൽ 9 പൈസയുടെ നഷ്ടമാണ് രൂപ നേരിട്ടത്. 94.94 എന്ന നിലയിലേക്കാണ് രൂപ ഇടിഞ്ഞത്. പ്രധാനമായി മഹീന്ദ്ര ആന്റ് മഹീന്ദ്ര, ബജാജ് ഫിനാൻസ്, മാക്‌സ് ഹെൽത്ത്‌കെയർ ഓഹരികൾ നഷ്ടം നേരിടുന്നു.

 "