വിദ്യാഭ്യാസരംഗം 2013- ല്
2013-ലെ പ്രധാന സംഭവങ്ങള് NEET ഉം ആയി ബന്ധപ്പെട്ടുണ്ടായ തീരുമാനങ്ങളാണ് . സുപ്രീംകോടതി ഉത്തരവിട്ടതു പോലെ സി.ബി.എസ്.ഇ NEET സംഘടിപ്പിച്ചെങ്കിലും, വെല്ലൂര് ക്രിസ്ത്യന് മെഡിക്കല്കോളേജ് ഫയല് ചെയ്ത റിട്ട് പെറ്റീഷനെ തുടര്ന്ന് 2013 ജൂലൈ 18 ന് സുപ്രീംകോടതി ദേശീയതലത്തിലെ പരീക്ഷ റദ്ദാക്കി. ജസ്റ്റിസ് അല്ത്തമാസ് കബീര്, റിട്ടയര് ചെയ്ത ദിവസം പുറപ്പെടുവിച്ച ഉത്തരവെന്ന പേരിലും, വിധി പ്രഖ്യാപനത്തിനു മുന്പുതന്നെ ഈ വിവരം പുറത്തായി കഴിഞ്ഞിരുന്നു എന്ന ആരോപണത്തിന്റേയും തുടര്വിവാദങ്ങളുടേയും പേരിലും , ഈ ഉത്തരവ് ശ്രദ്ധേയമായി . ഈ ഉത്തരവിനെ തുടര്ന്ന് മനുഷ്യവിഭവശേഷി വകുപ്പ് മന്ത്രി കപില്സിബല് ആവിഷ്ക്കരിച്ചു നടപ്പിലാക്കിയ വിദ്യാഭ്യാസ പരിഷ്ക്കരണ പദ്ധതികളിലെ ഏറ്റവും മുഖ്യ ഇനമായിരുന്ന, കോളേജ് പ്രവേശനത്തിന് ദേശീയതലത്തില് പൊതു പ്രവേശനപ്പരീക്ഷ എന്ന ആശയം നടപ്പാക്കാനാവാതെയായി. ഇപ്പോള് അതിന്മേലുള്ള ഗവണ്മെന്റിന്റെ റിവ്യൂ പെറ്റീഷന് കോടതിയിലുണ്ട്. എന്നാലും ഐ.ഐ.റ്റി കൗണ്സില്, രാജ്യത്താകമാനമുള്ള എഞ്ചിനീയറിംഗ് കോളേജുകളിലെ പ്രവേശനത്തിന് പൊതു പ്രവേശനപ്പരീക്ഷ എന്ന നയം തുടരുന്നതില് വലിയ വിവാദങ്ങളൊന്നും ഉണ്ടായതുമില്ല. മുന്പുണ്ടായിരുന്ന ഓള് ഇന്ത്യ എഞ്ചിനീയറിംഗ് എന്ട്രന്സ് എക്സാമിനേഷനുപകരം JEE-main -ഉം, IIT-JEE-യ്ക്കു പകരം JEE-Advanced ഉം നിലവില് വന്നു.
എഞ്ചിനീയറിംഗ് പ്രവേശനത്തിന് പ്ലസ്-2 ന്റെ മാര്ക്ക് പരിഗണിക്കുവാന് തീരുമാനമുണ്ടായതും 2013- ലാണ്. ഫിസിക്സ്, കെമിസ്ട്രി എന്നിവയ്ക്ക് 60% മാര്ക്കുള്ള വിദ്യാര്ത്ഥിയുടെ മാത്തമാറ്റിക്സിന്റെ കട്ട്-ഓഫ് മാര്ക്ക് 50-ല് നിന്നും 45% ആയി കുറയ്ക്കുവാന് കേരള സംസ്ഥാന സര്ക്കാര് തീരുമാനമെടുത്തതും ശ്രദ്ധേയമായ വസ്തുതയാണ്.
യൂണിവേഴ്സിറ്റി ഗ്രാന്റ്സ് കമ്മീഷന്, ഓള് ഇന്ത്യ കൗണ്സില് ഫൊര് ടെക്നിക്കല് എജ്യൂക്കേഷന്, കൗണ്സില് ഓഫ് ആര്ക്കിടെക്ചര് എന്നിവയെ സംയോജിപ്പിച്ച് ഒരു നാഷണല് കൗണ്സില് ഫൊര് ഹയര് എജ്യൂക്കേഷന് ആന്റ് റിസര്ച്ച് സ്ഥാപിക്കുന്നതിനുളള ബില്ലുമായി ഹ്യൂമന് റിസോഴ്സ് ഡവലപ്പ്മെന്റ് മിനിസ്ട്രി മുന്നോട്ടു വന്നെങ്കിലും, ജൂണില് ആ ബില്ല് ഉപേക്ഷിക്കുകയുണ്ടായി. ഉന്നത വിദ്യാഭ്യാസവുമായി ബന്ധമുള്ള മറ്റൊരു ബില്ല് അതിനുപകരമായി കൊണ്ടു വന്നത് പാര്ലമെന്റിന്റെ പരിഗണനയിലാണ്.
https://www.facebook.com/Malayalivartha
