സതേൺ റെയ്ൽവേയിലേക്ക് വിവിധ പാരാമെഡിക്കൽ തസ്തികകളിലെ ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.

ആകെ 71 ഒഴിവുകളാണുള്ളത്. കരാർ അടിസ്ഥാനത്തിലായിരിക്കും നിയമനം ഉണ്ടായിരിക്കുക.

1.നഴ്സിംഗ് സൂപ്രണ്ട് :
ഈ തസ്തികയിലേക്ക് 35 ഒഴിവുകളാണുള്ളത്.
യോഗ്യത: ജനറൽ നഴ്സിംഗ് ആൻഡ് മിഡ്‌വൈഫറിയിൽ ത്രിവത്സര കോഴ്സ് അല്ലെങ്കിൽ ബി.എസ്‌സി നഴ്സിംഗ് , നഴ്സ് ആൻഡ് മിഡ്വൈഫ് രജിസ്‌ട്രേഷൻ.
പ്രായം 20 നും 40 നും ഇടയിൽ ആയിരിക്കണ൦.
പ്രതിമാസ ശമ്പളം 62600 രൂപ ആയിരിക്കും.

2.ഹെൽത് ആൻഡ് മലേറിയ ഇൻസ്‌പെക്ടർ :
ഈ തസ്തികയിലേക്ക് 24 ഒഴിവുകളാണുള്ളത്.
യോഗ്യത : കെമിസ്ട്രി മുഖ്യ വിഷയമോ ഓപ്‌ഷനലായോ പഠിച്ച് സയൻസിൽ ബിരുദം. ഇതിനോടൊപ്പം ഒരു വർഷത്തെ ഹെൽത് ഓർ സാനിറ്ററി ഇൻസ്‌പെക്ടർ ട്രേഡിൽ നാഷണൽ ട്രേഡ് സർട്ടിഫിക്കറ്റ്.
പ്രായം 18 നും 33 നും ഇടയിൽ ആയിരിക്കണം.
പ്രതിമാസ ശമ്പളം 50150 രൂപ ആണ്

3. ഹീമോ ഡയലിസസ് ടെക്നിഷ്യൻ :
ഈ തസ്തികയിലേക്ക് 1 ഒഴിവുകളാണുള്ളത്.
യോഗ്യത : സയൻസ് ബിരുദവും ഹീമോഡയാലിസസിൽ ഡിപ്ലോമ അല്ലെങ്കിൽ രണ്ടുവർഷത്തെ പ്രവൃത്തിപരിചയം.
പ്രായം 20 നും 33 നും ഇടയിൽ ആയിരിക്കണം.
പ്രതിമാസം 54250 ലഭിക്കും.

4.എക്സ്റ്റൻഷൻ എജുക്കേറ്റർ :
ഈ തസ്തികയിലേക്ക് 1 ഒഴിവുകളാണുള്ളത്.
യോഗ്യത : സോഷ്യോളജി , സോഷ്യൽ വർക്ക് , കമ്മ്യൂണിറ്റി എജുക്കേഷനിൽ ബിരുദവും ഹെൽത് എജുക്കേഷനിൽ ദ്വിവത്സര ഡിപ്ലോമയും ഉണ്ടായിരിക്കണം.
പ്രായം 22 നും 35 നും മധ്യേ ആയിരിക്കും.
പ്രതിമാസം 50150 രൂപ ലഭിക്കുന്നതാണ്.

5. റേഡിയോഗ്രാഫർ :
ഈ തസ്തികയിലേക്ക് 1 ഒഴിവുകളാണുള്ളത്.
യോഗ്യത : ഫിസിക്സ് കെമിസ്ട്രി എന്നിവയോടെ പ്ലസ് ടുവും റേഡിയോഗ്രാഫി , എക്സ്റേ ടെക്‌നീഷ്യൻ , റേഡിയോ ഡയഗ്നോസിസ് ടെക്‌നോളജിയിൽ ദ്വിവത്സര ഡിപ്ലോമയും.സയൻസ് ബിരുദവും റേഡിയോഗ്രാഫി , എക്സ്റേ ടെക്‌നീഷ്യൻ , റേഡിയോ ഡയഗ്നോസിസ് ടെക്‌നോളജിയിൽ ദ്വിവത്സര ഡിപ്ലോമയുള്ളവർക്ക് മുൻഗണന.
പ്രായം 18 നും 33 നും ഇടയിൽ ആയിരിക്കണം.
പ്രതിമാസം 46130 രൂപ ലഭിക്കുന്നതാണ്.

6. ഫാർമസിസ്റ്റ് ഗ്രേഡ് III :
ഈ തസ്തികയിലേക്ക് 1 ഒഴിവുകളാണുള്ളത്
യോഗ്യത : സയൻസിൽ പ്ലസ്ടു അല്ലെങ്കിൽ തത്തുല്യ യോഗ്യതയും ഫാർമസിയിൽ ഡിപ്ലോമയും ,ഫാർമസിസ്റ്റ് രജിസ്‌ട്രേഷൻ. അല്ലെങ്കിൽ ഫാർമസിയിൽ ബിരുദവും ഫാർമസിസ്റ്റ് രജിസ്‌ട്രേഷനും.
പ്രായം 20 നും 35 നും ഇടയിൽ ആയിരിക്കണം.
പ്രതിമാസം 46130 രൂപ ലഭിക്കുന്നതാണ്.

7.ഇ.സി.ജി. ടെക്‌നീഷ്യൻ :
ഈ തസ്തികയിലേക്ക് 1 ഒഴിവുകളാണുള്ളത്.
യോഗ്യത : പ്ലസ്‌ടു , ഇ.സി.ജി. ലബോറട്ടറി ടെക്‌നോളജിയിൽ ബിരുദവും , കാർഡിയോളജി അല്ലെങ്കിൽ കാർഡിയോളജി ടെക്‌നീഷ്യൻ , കാർഡിയോളജി ടെക്നിക്‌സിൽ ഡിപ്ലോമയും ഉണ്ടായിരിക്കണം
പ്രായം 18 നും 33 നും ഇടയിൽ ആയിരിക്കണം.
പ്രതിമാസം 41280 രൂപ ലഭിക്കുന്നതാണ്.

8.ലബോറട്ടറി അസിസ്റ്റൻഡ് ഗ്രേഡ് II:
ഈ തസ്തികയിലേക്ക് 7 ഒഴുവുകളാണുള്ളത്.
യോഗ്യത : സയൻസ് സ്ട്രീമിൽ പ്ലസ്ടു,മെഡിക്കൽ ലബോറട്ടറി ടെൿനോളജിയിൽ ഡിപ്ലോമ
പ്രായം 18 നും 33 നും ഇടയിൽ ആയിരിക്കണം.
പ്രതിമാസം 34240 രൂപ ലഭിക്കുന്നതാണ്.

ഒരാൾക്ക് ഒരു തസ്തികയിൽ മാത്രമാണ് അപേക്ഷിക്കാൻ അവസരം ഉണ്ടായിരിക്കുക.
ഉയർന്ന പ്രായപരിധിയിൽ എസ്.സി. ,എസ്.ടി. വിഭാഗക്കാർക്ക് അഞ്ചുവര്ഷത്തെയും ഒ.ബി.സി.ക്കാർക്ക് മൂന്നുവർഷത്തെയും അംഗപരിമിതർക്ക് 10 വർഷത്തെയും ഇളവ് ലഭിക്കുന്നതായിരിക്കും.

അപേക്ഷാ ഫീസ് എസ്.സി. ,എസ്.ടി. വിഭാഗക്കാർ അംഗപരിമിതർ,വനിതകൾ,സാമ്പത്തികമായി പിന്നോക്കം നിൽക്കുന്നവർ എന്നിവർക്ക് 250 രൂപയായിരിക്കും.ജനറൽ ഒ.ബി.സി. വിഭാഗക്കാരായ പുരുഷന്മാർക്ക് 400 രൂപയുമാണ് അപേക്ഷാഫീസ്.തിരഞ്ഞെടുപ്പിനുള്ള പരീക്ഷയിൽ പങ്കെടുക്കുന്ന ജനറൽ/ ഒ .ബി.സി വിഭാഗക്കാർക്ക് 400 രൂപയും മറ്റുള്ളവർക്ക് മുഴുവൻ തുകയും തിരികെ ലഭിക്കും.

താത്പര്യമുള്ള ഉദ്യോഗാർത്ഥികൾ ഓഗസ്റ്റ് 27 നു മുൻപ് ഓൺലൈനായി അപേക്ഷ സമർപ്പിക്കേണ്ടതാണ്.

കൂടുതൽ വിവരങ്ങൾക്ക്
www.rrcmas.in