കേന്ദ്രസര്‍ക്കാര്‍ സ്ഥാപനമായ സെന്‍ട്രല്‍ ഇന്‍സ്റ്റിറ്റ്യൂട്ട് ഓഫ് പ്ലാസ്റ്റിക് എഞ്ചിനിയറിംഗ് ആന്‍ഡ് ടെക്നോളജി 2018-19 അധ്യയന വര്‍ഷത്തേക്കുള്ള ഡിപ്ലോമ, പോസ്റ്റ് ഡിപ്ലോമ, പോസ്റ്റ് ഗ്രാജ്വേറ്റ് ഡിപ്ലോമ കോഴ്സുകള്‍ക്ക് വേണ്ടിയുള്ള അഡ്മിഷന് വേണ്ടി അപേക്ഷ ക്ഷണിച്ചിരിക്കുന്നു.
പ്രവേശനപ്പരീക്ഷയുടെ മാര്‍ക്കിന്റെ അടിസ്ഥാനത്തിലായിരിക്കും അഡ്മിഷന്‍ നടത്തുന്നത്. ഇന്ത്യയിലുടനീളം കമ്പ്യൂട്ടര്‍ അടിസ്ഥാനമാക്കിയുള്ളതാണ് CIPET നടത്തുന്ന പ്രവേശനപ്പരീക്ഷ. ഈ പരീക്ഷ CIPET ജോയിന്റ് എന്‍ട്രന്‍സ് പരീക്ഷ - 2018 (CIPET JEE 2018) എന്നാണ് അറിയപ്പെടുന്നത്. കേരളത്തിലെ വിദ്യാര്‍ത്ഥികള്‍ക്ക് ഈ കോഴ്സുകള്‍ക്കുള്ള എന്‍ട്രന്‍സ് ഡിജിറ്റല്‍ സേവാ പൊതുസേവന കേന്ദ്രങ്ങള്‍ മുഖേന അയക്കാവുന്നതാണ്. കോഴ്സുകള്‍, എന്‍ട്രന്‍സ് എന്നിവയെ കുറിച്ചുള്ള വിവരങ്ങള്‍ അറിയുവാനും, പ്രവേശനപരീക്ഷക്കുള്ള ഓണ്‍ലൈന്‍ അപേക്ഷ അയക്കുന്നതിനുമായി ഡിജിറ്റല്‍ സേവാ പൊതുസേവന കേന്ദ്രങ്ങളെ സമീപിക്കാവുന്നതാണ്.
സെന്‍ട്രല്‍ ഇന്‍സ്റ്റിറ്റ്യൂട്ട് ഓഫ് പ്ലാസ്റ്റിക് എഞ്ചിനിയറിംഗ് ആന്‍ഡ് ടെക്നോളജിക്ക് ഐഎസ്ഒ 9001: 2008 ക്വാളി റ്റി മാനേജ്മന്റ് സിസ്റ്റം അംഗീകാരവും, ഐഎസ്ഒ 17025, ഐഎസ്ഒ 17020 എന്നീ അംഗീകാരങ്ങളും ലഭിച്ചിട്ടുള്ളതാണ്. ഈ ഈ സ്ഥാപനം ഡിപ്പാര്‍ട്ട്മെന്റ് ഓഫ് കെമിക്കല്‍സ് & പെട്രോകെമിക്കല്‍സിന്റെ കീഴില്‍, പ്രവര്‍ത്തിക്കുന്നതും, കെമിക്കല്‍സ് ആന്‍ഡ് ഫെര്‍ട്ടിലൈസേഴ്സ് മന്ത്രാലയം, ഗവ. ഇന്ത്യ മുഖേന, 1968ല്‍ സ്ഥാപിതമായതുമാണ്. പ്ലാസ്റ്റിക്സിന്റെയും അനുബന്ധ വ്യവസായങ്ങളുടെയും നേട്ടങ്ങള്‍ക്കായി മനുഷ്യ വിഭവങ്ങള്‍ വികസിപ്പിക്കുക എന്നതാണ് ഇതിന്റെ ലക്ഷ്യം.