ഫെഡറൽ ബാങ്കിൽ ക്ലാർക്ക് ആൻഡ് ഓഫീസർ
പ്രമുഖ സ്വകാര്യ ബാങ്കായ ഫെഡറൽബാങ്ക് ക്ലാർക്ക്.,ഓഫീസർ തസ്തികകളിലെ ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.
പരസ്യ വിജ്ഞാപന നമ്പർ :HR-TAD/Rec/2018-19
ഓൺലൈൻ എഴുത്തുപരീക്ഷ,ഗ്രൂപ്പ് ചർച്ച ,അഭിമുഖം എന്നിവയുടെ അടിസ്ഥാനത്തിലായിരിക്കും നിയമനം ഉണ്ടാകുക.
1.ക്ലാർക്ക്:
യോഗ്യത :60 ശതമാനം മാർക്കോടെ ബിരുദം അല്ലെങ്കിൽ പി.ജി.
അപേക്ഷിക്കുന്നവർ 2017,2018 വർഷങ്ങളിൽ ബിരുദം അല്ലെങ്കിൽ പി.ജി. പാസ്ഔട്ട് ആയിരിക്കണം.പി.ജി.യോഗ്യതയായി അപേക്ഷിക്കുന്നവർ റഗുലർ പഠനത്തിലൂടെയാകണം ബിരുദം നേടിയത്.എസ്.എസ്.എൽ.സി. , പ്ലസ് ടു തത്തുല്യ പരീക്ഷകളിൽ 60 ശതമാനം മാർക്ക് നേടിയിരിക്കണം.
അവസാന വർഷ പരീക്ഷയെഴുതുന്നവർക്കും അപേക്ഷിക്കാവുന്നതാണ്; എന്നാലിവർ ഇതുവരെയുള്ള എല്ലാപരീക്ഷകളിലും 60 ശതമാനം മാർക്ക് നേടിയിരിക്കണം.
കേരളം,തമിനാട്,കർണാടക,മഹാരാഷ്ട്ര,ഹരിയാന,പഞ്ചാബ്,ന്യുഡൽഹി എന്നീ സംസ്ഥാനങ്ങളിൽ നിന്നുള്ളവർക്ക് മാത്രമേ അപേക്ഷിക്കാനാകു.
പ്രായം 01.07.2018 നു 24 വയസ്സിൽ കൂടാൻ പാടില്ല.01.07.1993 നോ അതിനുശേഷമോ ജനിച്ചവർ ആയിരിക്കണം അപേക്ഷകർ.
പ്രതിമാസ ശമ്പളം 11765 - 31540 ആണ്
ഈ തസ്തികയിലേക്കുള്ള അപേക്ഷാഫീസ് 500 രൂപയാണ്. എസ്.സി ,എസ്.ടി.വിഭാഗക്കാർക്ക് 250 രൂപയാണ്
2.ഓഫീസർ :
യോഗ്യത :60 ശതമാനം മാർക്കോടെ ഏതെങ്കിലും വിഷയത്തിൽ ബിരുദം,2017,2018 വർഷങ്ങളിൽ പാസ്ഔട്ട് ആയവർ ആയിരിക്കണം.റഗുലർ പഠനത്തിലൂടെയാകണം ബിരുദം നേടിയത്. എസ്.എസ്.എൽ.സി. , പ്ലസ് ടു തത്തുല്യ പരീക്ഷകളിൽ 60 ശതമാനം മാർക്ക് നേടിയിരിക്കണം.
കേരളം,തമിനാട്,കർണാടക,മഹാരാഷ്ട്ര,ഹരിയാന,പഞ്ചാബ്,ന്യുഡൽഹി, പശ്ചിമബംഗാൾ എന്നീ സംസ്ഥാനങ്ങളിൽ നിന്നുള്ളവർക്ക് മാത്രമേ അപേക്ഷിക്കാനാകു.
പ്രായം 01.07.2017 നു 26 വയസ്സിൽ കൂടാൻ പാടില്ല.01.07.1992 നോ അതിനുശേഷമോ ജനിച്ചവർ ആയിരിക്കണം അപേക്ഷകർ.
പ്രതിമാസ ശമ്പളം:23700 - 42020 രൂപ.
ഈ തസ്തികയിലേക്കുള്ള അപേക്ഷാഫീസ് 700 രൂപയും എസ്.സി ,എസ്.ടി.വിഭാഗക്കാർക്ക് 350 രൂപയുമാണ്.
ഡെബിറ്റ് അല്ലെങ്കിൽ ക്രെഡിറ്റ് കാർഡ് ഉപയോഗിച്ചോ ഇന്റർനെറ്റ് ബാങ്കിങ് വഴിയോ ഓൺലൈനായി ഫീസ് അടയ്ക്കാവുന്നതാണ്.
www.federalbank.co.in എന്ന വെബ്സൈറ്റ് വഴി ഓൺലൈനായി അപേക്ഷിക്കാവുന്നതാണ്.അപേക്ഷാർത്ഥികൾ തങ്ങളുടെ പാസ്സ്പോർട്ട് സൈസ് ഫോട്ടോയും കയ്യൊപ്പും ഓൺലൈൻ അപേക്ഷ ഫോമിൽ അപ്ലോഡ് ചെയ്യണം.
കേരളത്തിൽ തിരുവനന്തപുരം,കോട്ടയം,എറണാകുളം,തൃശൂർ,മലപ്പുറം,കോഴിക്കോട്,കണ്ണൂർ എന്നിവ പരീക്ഷാ കേന്ദ്രങ്ങളാണ്.സെപ്റ്റംബർ 9 നു ആയിരിക്കും എഴുത്തുപരീക്ഷ.
താത്പര്യമുള്ള ഉദ്യോഗാർത്ഥികൾ ഓഗസ്റ്റ് 27 നു മുൻപ് അപേക്ഷ സമർപ്പിക്കുക.
കൂടുതൽ വിവരങ്ങൾക്ക്
www.federalbank.co.in
https://www.facebook.com/Malayalivartha