കേരളത്തിലെ സ്റ്റേറ്റ് ബാങ്കുകളില്‍ ജോലി നേടാന്‍ ആഗ്രഹിക്കുന്നവര്‍ക്ക് സുവര്‍ണ്ണാവസരം. State Bank of India ഇപ്പോള്‍ Clerk, Junior Associates എന്നി തസ്തികയിലേക്ക് നിയമനം നടത്തുന്നതിനു വേണ്ടി യോഗ്യരായ ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു.

വിവിധ സംസ്ഥാനങ്ങളിലായി മൊത്തം 5008 ഒഴിവുകളാണുള്ളത്. ഇതിലേക്ക് ഓണ്‍ലൈന്‍ ആയി 2022 സെപ്റ്റംബര്‍ 7 മുതല്‍ 2022 സെപ്റ്റംബര്‍ 27 വരെ അപേക്ഷിക്കാം.

ഈ ജോലിക്ക് അപേക്ഷിക്കാന്‍ വേണ്ട വിദ്യാഭ്യാസ യോഗ്യത അംഗീകൃത സർവ്വകലാശാലയിൽ നിന്ന് ഏതെങ്കിലും വിഷയത്തിൽ ബിരുദം അല്ലെങ്കിൽ ഏതെങ്കിലും തത്തുല്യ യോഗ്യത. അതേപോലെ പ്രാദേശിക ഭാഷാ പരിജ്ഞാനം ഉണ്ടായിരിക്കണം.

20 മുതൽ 28 വയസ്സുവരെയുള്ളവർക്ക് അപേക്ഷിക്കാം. പിന്നാക്ക വിഭാഗങ്ങളില്‍ പെട്ട ഉദ്യോഗാര്‍ഥികള്‍ക്ക് വയസ്സിൽ ഇളവുകള്‍ ലഭിക്കുന്നതാണ്.

അപേക്ഷാ ഫീസ് 750 രൂപയാണ്. SC/ ST/ PwBD/ ESM/ DESM വിഭാഗക്കാർക്ക് ഫീസ് ഇല്ല.

തിരഞ്ഞെടുക്കൽ പ്രക്രിയയിൽ ഓൺലൈൻ പരീക്ഷയും (പ്രിലിമിനറി & മെയിൻ പരീക്ഷ) നിർദ്ദിഷ്ട പ്രാദേശിക ഭാഷയുടെ പരീക്ഷയും അടങ്ങിയിരിക്കും. 100 മാർക്കിന്റെ ഒബ്ജക്റ്റീവ് ടെസ്റ്റുകൾ അടങ്ങുന്ന ഓൺലൈൻ പ്രിലിമിനറി പരീക്ഷ ഓൺലൈനായി നടത്തും. 3 വിഭാഗങ്ങൾ അടങ്ങുന്ന ഈ ടെസ്റ്റ് 1 മണിക്കൂർ ദൈർഘ്യമുള്ളതായിരിക്കും.

യോഗ്യരായ ഉദ്യോഗാര്‍ഥികള്‍ ഡിസ്ക്രിപ്ഷൻ ബോക്സിൽ കൊടുത്തേക്കുന്ന ലിങ്ക് ക്ലിക്ക് ചെയ്ത് മൊബൈല്‍ ഫോണ്‍ അല്ലെങ്കിൽ കമ്പ്യൂട്ടര്‍ ഉപയോഗിച്ച് ഓണ്‍ലൈന്‍ വഴി അപേക്ഷിക്കാം.