സെപ്തംബര് 15ലെ അസാധാരണ ഗസറ്റിൽ പ്രസിദ്ധീകരിച്ച ഡയറ്റ് ലക്ച്ചറർ വിജ്‍ഞാപനത്തിൽ കാറ്റഗറി നമ്പർ 349/2022 മുതൽ 396/2022 വരെയുള്ള വിജ്ഞാപനങ്ങളിൽ എം എഡ് ബന്ധപ്പെട്ട വിഷയത്തിലല്ല എന്ന കാരണത്താൽ അപേക്ഷ സമർപ്പിക്കാൻ കഴിയാത്തവർക്ക് തത്തുല്യ യോഗ്യത വ്യക്തമാക്കി അപേക്ഷിക്കാമെന്ന് പി എസ് സി അറിയിച്ചു.

ഇതിലേക്ക് ''Why iam ineligible'' എന്ന ലിങ്കിൽ Apply using equivalent or higher സെലെക്റ്റ് ചെയ്ത് അപേക്ഷ സമർപ്പിക്കണം. പി എസ് സി ആവശ്യപ്പെടുന്ന സമയത്ത് തുല്യത തെളിയിച്ചാൽ മതി. ഈ കാറ്റഗറികളിൽ തസ്തികമാറ്റം വഴി അപേക്ഷിക്കുമ്പോൾ ബൈട്രാൻസ്ഫർ യോഗ്യതയിൽ ഏതെങ്കിലും തസ്തിക ചേർത്തിട്ടില്ലാത്തതുകൊണ്ട് മാത്രം അപേക്ഷ സമർപ്പിക്കാൻ കഴിയാത്തവർക്ക് Jsrna.psc@kerala.gov.in മെയിൽ ഐഡിയിൽ പ്രൊഫൈൽ യൂസർ ഐഡി, മൊബൈൽ നമ്പർ എന്നിവ രേഖപ്പെടുത്തി വിവരം അറിയിച്ചു പ്രശ്നം പരിഹരിക്കാം.

ഇന്ത്യയിലെ വിദ്യാഭ്യാസത്തിനായി, ഡിസ്ട്രിക്റ്റ് ഇൻസ്റ്റിറ്റ്യൂട്ട് ഫോർ എഡ്യൂക്കേഷൻ ആൻഡ് ട്രെയിനിംഗ് (ഡയറ്റ്) ഇന്ത്യൻ സർക്കാർ ഇന്ത്യയിലെ ഓരോ ജില്ലയിലും സ്ഥാപിച്ചിട്ടുള്ള ജില്ലാതല വിദ്യാഭ്യാസ സ്ഥാപനങ്ങളാണ്. ജില്ലാതലത്തിൽ സർക്കാർ നയങ്ങൾ ഏകോപിപ്പിക്കുന്നതിനും നടപ്പിലാക്കുന്നതിനും അവർ സഹായിക്കുന്നു.

ഏകദേശം 3 ദശലക്ഷം പ്രൈമറി, എലിമെന്ററി അധ്യാപകർക്ക് സ്കൂൾ തലത്തിൽ അധ്യാപനത്തിലും പഠനത്തിലും ഉള്ള നൂതനത്വങ്ങളിലേക്ക് ആവർത്തിച്ചുള്ള ഓറിയന്റേഷൻ ആവശ്യമാണ്. ഡയറ്റിനാണ് ഈ ഉത്തരവാദിത്തം ചുമത്തിയിരിക്കുന്നത്.