ജോലിയാവശ്യത്തിനുള്ള പോലീസ് ക്ലിയറൻസ് സർട്ടിഫിക്കറ്റിന് (പിസിസി) സെപ്തംബര് 28 മുതൽ എല്ലാ ഓൺലൈൻ പോസ്റ്റോഫീസ് പാസ്പ്പോർട് സേവാ കേന്ദ്രങ്ങൾ വഴിയും അപേക്ഷിക്കാമെന്ന് വിദേശകാര്യമന്ത്രാലയം അറിയിച്ചു. അപേക്ഷകർ കൂടിവരുന്ന സാഹചര്യത്തിലാണ് ഈ നടപടി. നിലവിൽ പാസ്പോര്ട്ട് ഓഫീസുകൾ വഴി മാത്രമാണ് പി സൈസ് ഐ അപേക്ഷകൾ സ്വീകരിച്ചിരുന്നത്.

പോലീസിൽ നിന്നും നേരിട്ട് വാങ്ങികൊടുക്കുന്നത് നേരത്തേ നിർത്തലാക്കിയിരുന്നു. തിരഞ്ഞെടുത്ത ഹെഡ് പോസ്റ്റ് ഓഫീസുകളിലുമാണ് ഓൺലൈൻ പോസ്റ്റ് ഓഫീസ് പാസ്പോര്ട്ട് സേവാ കേദ്രങ്ങൾ പ്രവർത്തിക്കുന്നത്.

പോസ്‌റ്റ് ഓഫീസ് പാസ്‌പോർട്ട് സേവാ കേന്ദ്രം POPSK എന്ന് ചുരുക്കി വിളിക്കപ്പെടുന്നത് വിദേശകാര്യ മന്ത്രാലയവും (ഇന്ത്യ) (MEA) തപാൽ വകുപ്പും (DoP) നടത്തുന്ന ഒരു ഇന്ത്യൻ സർക്കാർ സംരംഭമാണ്. ഇന്ത്യയിലെ പൗരന്മാർക്ക് പാസ്‌പോർട്ടുമായി ബന്ധപ്പെട്ട സേവനങ്ങൾ എത്തിക്കുന്നതിനായി ഹെഡ് പോസ്റ്റ് ഓഫീസുകളും (HPO) പോസ്റ്റ് ഓഫീസുകളും പോസ്റ്റ് ഓഫീസ് പാസ്‌പോർട്ട് സേവാ കേന്ദ്രമായി (POPSK) ഉപയോഗപ്പെടുത്തുന്നു.

പാസ്‌പോർട്ടുമായി ബന്ധപ്പെട്ട സേവനങ്ങൾ വലിയ തോതിൽ വികസിപ്പിക്കുകയും വിശാലമായ ഏരിയ കവറേജ് ഉറപ്പാക്കുകയും ചെയ്യുക എന്നതാണ് ഈ സംരംഭത്തിന്റെ ലക്ഷ്യം.