സെന്റർ ഫോർ മാനേജ്‌മെന്റ് ഡെവലപ്‌മെന്റ് (സിഎംഡി) ഇപ്പോൾ വിവിധ തസ്തികകളിലേക്ക് നിയമനം നടത്തുന്നതിന് വേണ്ടി യോഗ്യരായ ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു. ഫ്രണ്ട് ഓഫീസ് എക്സിക്യൂട്ടീവും മൾട്ടിടാസ്കിംഗ് സ്റ്റാഫ് എന്നി തസ്തികകളിലായിട്ടാണ് ഒഴിവുകൾ. മൊത്തം 6 ഒഴിവുകളാണുള്ളത്. താൽക്കാലിക നിയമനമാണ്. ഇതിലേക്ക് അപേക്ഷിക്കാനുള്ള അവസാന തീയതി ഒക്ടോബര് 9നാണ്.

ഫ്രണ്ട് ഓഫീസ് എക്സിക്യൂട്ടീവ് തസ്തികയിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത കമ്പ്യൂട്ടർ പ്രാവീണ്യത്തോടെ അംഗീകൃത സർവകലാശാലയിൽ നിന്നുള്ള ബിരുദം. ഫ്രണ്ട് ഓഫീസ് മാനേജ്‌മെന്റിൽ കുറഞ്ഞത് മൂന്ന് വർഷത്തെ പ്രവൃത്തിപരിചയം. ഇംഗ്ലീഷിലും മലയാളത്തിലും മികച്ച ആശയവിനിമയ വൈദഗ്ദ്ധ്യം (ഹിന്ദിയിലെ ആശയവിനിമയ വൈദഗ്ദ്ധ്യം ഒരു അധിക നേട്ടമായിരിക്കും)
വിവിധ ക്ലയന്റുകളെ/ പങ്കാളികളെ കൈകാര്യം ചെയ്യുന്നതിൽ പരിചയം. പ്രതിമാസം 25,000 രൂപയാണ് ശമ്പളം. പ്രായപരിധി 30 വയസ്സാണ്.

മൾട്ടിടാസ്കിംഗ് സ്റ്റാഫ് തസ്തികയിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത അപേക്ഷകർ അടിസ്ഥാന കമ്പ്യൂട്ടർ പരിജ്ഞാനമുള്ള അംഗീകൃത ബോർഡിൽ നിന്ന് പ്ലസ് ടു പരീക്ഷയോ തത്തുല്യമോ വിജയിച്ചിരിക്കണം. മൾട്ടി ടാസ്‌കിംഗിലെ ഏതൊരു പ്രവർത്തിപരിചയവും നേട്ടം കൂട്ടും. പ്രതിമാസം 18,000 രൂപയാണ് ശമ്പളം. പ്രായപരിധി 30 വയസ്സാണ്.

ഫ്രണ്ട് ഓഫീസ് എക്സിക്യൂട്ടീവിലേക്കുള്ള അപേക്ഷ ഫീസ് 200 രൂപയാണ്. മൾട്ടിടാസ്കിംഗ് സ്റ്റാഫ് അപേക്ഷ ഫീസ് 100 രൂപയാണ്. കൂടുതൽ വിവരങ്ങൾ അറിയാൻ https://www.cmdkerala.net/ എന്ന വെബ്സൈറ്റ് സന്ദർശിക്കേണ്ടതാണ്.