ഗവ. സെക്രട്ടേറിയറ്റ്/കേരള പബ്ലിക് സർവീസ് കമ്മീഷൻ ഇപ്പോൾ സെക്യൂരിറ്റി ഗാർഡ് തസ്തികയിലേക്ക് നിയമനം നടത്തുന്നതിന് വേണ്ടി യോഗ്യരായ ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു. മുൻ സൈനികർക്ക് മാത്രമാണ് അവസരം. യോഗ്യതയുള്ള ഉദ്യോഗാർത്ഥികളിൽ നിന്ന് മാത്രം ഓൺലൈനായി അപേക്ഷ ക്ഷണിക്കുന്നു. കേരള സർക്കാർ സർവീസ്. കേരള പബ്ലിക് സർവീസ് കമ്മിഷന്റെ ഔദ്യോഗിക വെബ്‌സൈറ്റ് മുഖേന ഒറ്റത്തവണ രജിസ്‌ട്രേഷനുശേഷം മാത്രമേ അപേക്ഷകൾ ഓൺലൈനായി സമർപ്പിക്കാവൂ.

ഇതിലേക്ക് അപേക്ഷിക്കാനുള്ള വൈദ്യൻ=ഭ്യാസ യോഗ്യത എട്ടാം സ്റ്റാൻഡേർഡ് പാസ് അല്ലെങ്കിൽ ആർമി സെക്കൻഡ് ക്ലാസ് അല്ലെങ്കിൽ തത്തുല്യ യോഗ്യത. ഉയരം: 165 സെ.മീ, നെഞ്ച് (സാധാരണ) : 80 സെ.മീ, നെഞ്ച് (വികസിക്കുമ്പോൾ) : 85 സെ.മീ എന്നിവയാണ് ശാരീരികക്ഷമത.

കാറ്റഗറി നമ്പർ: 409/2022. പ്രതിമാസം 26500 മുതൽ 60700 രൂപവരെയാണ് ശമ്പളം. പ്രായപരിധി: 18 മുതൽ 50 വയസ്സുവരെയാണ്. അപേക്ഷിക്കേണ്ട അവസാന തീയതി 02.11.2022 ബുധനാഴ്ച അർദ്ധരാത്രി 12.00 വരെ.അപേക്ഷകൾ സമർപ്പിക്കേണ്ട വിലാസം:– www.keralapsc.gov.in

കേരള പബ്ലിക് സർവീസ് കമ്മീഷൻ ഇന്ത്യൻ ഭരണഘടനയനുസരിച്ച് സൃഷ്ടിക്കപ്പെട്ട ഒരു സ്ഥാപനമാണ്. ഭരണഘടനയുടെ ആർട്ടിക്കിൾ 320 (3) പ്രകാരം പരാമർശിച്ചിരിക്കുന്ന സിവിൽ സർവീസുകളുമായി ബന്ധപ്പെട്ട എല്ലാ കാര്യങ്ങളിലും കമ്മീഷൻ സർക്കാരിനെ ഉപദേശിക്കുകയും നിയമന അധികാരികളുടെ ആവശ്യപ്രകാരം വിവിധ തസ്തികകളിലേക്ക് തിരഞ്ഞെടുക്കുന്നതിനുള്ള അപേക്ഷകൾ ക്ഷണിച്ചുകൊണ്ട് വിജ്ഞാപനം പ്രസിദ്ധീകരിക്കുകയും എഴുത്തുപരീക്ഷ നടത്തുകയും ചെയുന്നു.

പരീക്ഷകൾ, ഫിസിക്കൽ എഫിഷ്യൻസി ടെസ്റ്റ്, ഇന്റർവ്യൂ, ഉദ്യോഗാർത്ഥികളുടെ പ്രകടനത്തെ അടിസ്ഥാനമാക്കി റാങ്ക് ലിസ്റ്റ് തയ്യാറാക്കുക, കൂടാതെ ഉദ്യോഗാർത്ഥികളെ അവരുടെ യോഗ്യതയുടെ അടിസ്ഥാനത്തിൽ നിയമനത്തിനായി നിർദ്ദേശിക്കുകയും ഒഴിവുകൾ റിപ്പോർട്ട് ചെയ്യുമ്പോൾ സംവരണ നിയമങ്ങൾ പാലിക്കുകയും ചെയ്യുക. കേരള പബ്ലിക് സർവീസ് കമ്മീഷന്റെ ഹെഡ് ഓഫീസ് സംസ്ഥാന തലസ്ഥാനമായ തിരുവനന്തപുരത്ത് പട്ടത്താണ് സ്ഥിതി ചെയ്യുന്നത്.