പ്രധാനമന്ത്രി നാഷണല്‍ അപ്രന്റീസ് മേളയോട് അനുബന്ധിച്ച് ജില്ലാ തല അപ്രന്റീസ് മേള 2022 ഒക്ടോബർ 10 ന് ചെന്നീര്‍ക്കര ഗവ ഐ.ടി.ഐയില്‍ നടത്തും. വിവിധ സര്‍ക്കാര്‍/അര്‍ധ സര്‍ക്കാര്‍/സ്വകാര്യ മേഖലകളിലെ നിരവധി സ്ഥാപനങ്ങള്‍ മേളയില്‍ പങ്കെടുത്ത് അപ്രന്റീസ് ട്രെയിനികളെ തിരഞ്ഞെടുക്കും. തിരഞ്ഞെടുക്കുന്നവരെ ഒരു വര്‍ഷത്തേക്ക് അപ്രന്റീസായി നിയമിക്കും.

ഇതിലേക്ക് പങ്കെടുക്കാനുള്ള വിദ്യാഭ്യാസ യോഗ്യത ഐ.ടി.ഐ പാസായ ട്രെയിനികള്‍ക്ക് പങ്കെടുക്കാം. താല്‍പര്യമുള്ള ട്രെയിനികള്‍ ട്രേഡ് സര്‍ട്ടിഫിക്കറ്റ്, ആധാര്‍,ഫോട്ടോ,മറ്റ് അനുബന്ധ രേഖകളുമായി രാവിലെ ചെന്നീര്‍ക്കര ഗവ ഐ.ടി.ഐ യില്‍ എത്തിച്ചേരണം. കൂടുതൽ വിവരങ്ങൾ അറിയാൻ 0468 225 8710 എന്ന ഫോൺ നമ്പറുമായി ബന്ധപ്പെടുക.

ഇന്ത്യയിലുടനീളമുള്ള 200 സ്ഥലങ്ങളിൽ പ്രധാനമന്ത്രി ദേശീയ അപ്രന്റീസ്ഷിപ്പ് മേള നടത്തും. അപ്രന്റീസ്ഷിപ്പ് മേളയിലൂടെ 67,035 അപ്രന്റിസ്ഷിപ്പ് പരിശീലന ഓഫറുകൾ ഇന്നുവരെ നൽകിയിട്ടുണ്ട്. തൊഴിലവസരങ്ങൾ പ്രോത്സാഹിപ്പിക്കുന്നതിനായി മേളയിൽ 36+ വ്യവസായങ്ങളും 500+ ട്രേഡുകളും 1000+ ബിസിനസുകളും അവതരിപ്പിക്കും.