അധ്യാപന ജോലി തിരയുന്നവരാണോ നിങ്ങൾ? എങ്കിൽ ജോലി നേടാൻ ഇതാ ഒരു സുവർണ്ണാവസരം...സൈനിക സ്കൂളിൽ അധ്യാപകരാകാം...ഉടൻ അപേക്ഷിക്കു...
ഹരിയാനയിലെ കര്ണാളിലുള്ള കുഞ്ചപുര സൈനിക സ്കൂൾ, ഒഡിഷയിലെ സമ്പൽപൂർ സൈനിക സ്കൂൾ, എന്നിവിടങ്ങളിലായി അധ്യാപക തസ്തികയിലേക്ക് നിയമനം നടത്തുന്നതിന് വേണ്ടി യോഗ്യരായ ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു. മൊത്തം മൂന്ന് ഒഴിവുകളാണുള്ളത്. ബയോളജി, ഇംഗ്ലീഷ്, ഫിസിക്കൽ എഡ്യൂക്കേഷൻ, എന്നി വിഷയങ്ങളിലാണ് അവസരം.
കുഞ്ച്പുരയിലുള്ള സൈനിക സ്കൂളിൽ ബയോളജിയിലാണ് ഒഴിവ്. ആകെ ഒരു ഒഴിവാണുള്ളത്. ഇതിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത ബന്ധപ്പെട്ട വിഷയത്തിൽ കുറഞ്ഞത് 50 ശതമാനം മാർക്കോട് കൂടി എം.എസ്.സി ബിരുദവും, ബി എഡും, ഉയർന്ന യോഗ്യതകൾ അഭികാമ്യം. പ്രായപരിധി 21 മുതൽ 40 വയസ്സുവരെയാണ്.
നിശ്ചിത മാതൃകയിലുള്ള അപേക്ഷയും അനുബന്ധരേഖകളും The Principal, Sanik School Kunjpura, Karnal, Hryana- 132023 എന്ന വിലാസത്തിൽ അയക്കണം. അപേക്ഷിക്കേണ്ട അവസാന തീയതി ഒക്ടോബര് 31. കൂടുതൽ വിവരങ്ങൾ അറിയാൻ www.sskunjpura.org എന്ന വെബ്സൈറ്റ് സന്ദർശിക്കുക.
സമ്പൽപ്പൂരിലുള്ള സൈനിക സ്കൂളിൽ ഇംഗ്ലീഷ്, പി ഇ എം/പി ടി ഐ-കം മേട്രൺ എന്നിങ്ങനെയാണ് ഒഴിവുകൾ. ഇംഗ്ലീഷ് അധ്യാപന തസ്തികയിൽ അപേക്ഷിക്കാനുള്ള വിദ്യാഭ്യാസ യോഗ്യത ഇംഗ്ലീഷിൽ ബിരുദവും ബി എഡും. സി-ടെറ്റ് / എസ്-ടെറ്റ് യോഗ്യത നേടിയിരിക്കണം. ഉയർന്ന യോഗ്യത അഭികാമ്യം. പി ഇ എം/പി ടി ഐ-കം മേട്രൺ തസ്തികയിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത ഫിസിക്കൽ എഡ്യൂക്കേഷൻ ബിരുദം/ ഏതെങ്കിലും വിഷയത്തിൽ ബിരുദം, ഫിസിക്കൽ എഡ്യൂക്കേഷനിൽ ഡിപ്ലോമയും. പ്രവർത്തി പരിചയം, ഉയർന്ന യോഗ്യതയുള്ളവർക്ക് അപേക്ഷിക്കാം.
21 മുതൽ 35 വയസ്സുവരെയാണ് പ്രായപരിധി. അപേക്ഷയും അനുബന്ധരേഖകളും Pricipal, Sainik Scchool Sambalpur, PO-Basantpur, Sambalpur Dist, Odisha-768025 എന്ന വിലാസത്തിൽ അയക്കണം.അപേക്ഷിക്കേണ്ട അവസാന തീയതി നവംബര് 1. കൂടുതൽ വിവരങ്ങൾ അറിയാൻ www.sainikschool.sambalpur.in എന്ന വെബ്സൈറ്റ് സന്ദർശിക്കുക.
https://www.facebook.com/Malayalivartha