ഇന്ത്യൻ കൗൺസിൽ ഓഫ് അഗ്രികൾച്ചർ റിസേർച്ചിന് ( ഐ സി ഐ ആർ ) കീഴിൽ ന്യുഡൽഹിയിലുള്ള ഇന്ത്യ അഗ്രികൾച്ചറൽ റിസർച്ച് ഇൻസ്റ്റിറ്റിയൂട്ടിന്റെ (ഐ എ ആർ ഐ) പ്ലാന്റ് ഫിസിയോളജി വിഭാഗത്തിൽ സീനിയർ റിസർച്ച് ഫെലോയുടെ ആറ് ഒഴിവിലേക്കും, യങ് പ്രൊഫഷണലിന്റെ ഒരു ഒഴിവിലേക്കും അപേക്ഷ ക്ഷണിച്ചു.

സീനിയർ റിസർച്ച് ഫെലോ തസ്തികയിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത പ്ലാന്റ് ബയോടെക്‌നോളജി / പ്ലാനി ഫിസിയോളജി/ പ്ലാന്റ് ബയോകെമിസ്ട്രി/ ലൈഫ് സയൻസ്/ മൈക്രോ ബയോളജി/ അനുബന്ധ വിഷയത്തിൽ മാസ്റ്റർ ബിരുദവും യു.ജി.സി/ സി.എസ്.ഐ.ആർ./ ഐ.സി.എ.ആർ./ നെറ്റ്/ഗേറ്റ് യോഗ്യതയോ എം.ടെക്ക്/ പി.എച്.ഡിയോ ഉണ്ടായിരിക്കണം. പ്രതിമാസം 31000 രൂപയാണ് ശമ്പളം.

യങ് പ്രൊഫഷണൽ തസ്തികയിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത ബിരുദാനന്തര ബിരുദം, അല്ലെങ്കിൽ അഗ്രികൾച്ചറൽ സയൻസ്/ എഞ്ചിനീയറിംഗ്/ ടെക്നൊളജിയിൽ ബിരുദം എന്നിവ ഉണ്ടായിരിക്കണം. പ്രതിമാസം 35000 രൂപയാണ് ശമ്പളം.

ഒക്ടോബര് 17ന് നടത്തുന്ന അഭിമുഖം വഴിയാണ് തിരഞ്ഞെടുപ്പ്. കൂടുതൽ വിവരങ്ങൾ അറിയാൻ www.iari.res.in എന്ന വെബ്സൈറ്റ് സന്ദർശിക്കേണ്ടതാണ്.