എൽ ഡി ക്ലാർക്ക് പുതിയ റാങ്ക് പട്ടികയിൽ നിന്നുള്ള നിയമന ശുപാർശകൾ ആലപ്പുഴ, തൃശൂർ ജില്ലകളിൽ അംഗീകരിച്ചു. ആലപ്പുഴയിൽ 91പേർക്കും തൃശ്ശൂരിൽ 142 പേർക്കുമാണ് നിയമനശുപാര്ശ അംഗീകരിച്ചത്. ഇവ ഈ ആഴ്ച ഉദ്യോഗാർത്ഥികൾക്ക് അയക്കും.

ഏഴു ജില്ലകളിലും നിയമനശുപാര്ശ തയാറാവുകയാണ്.അടുത്ത ആഴ്ചയോടെ കൂടുതൽ ജില്ലകൾ നിയമനശുപാര്ശകൾ അയക്കും. 14 ജില്ലകളിലായി എൽ.ഡി.ക്ലർക്കിനെ 2000 ഒഴിവിലേക്ക് നിയമനശുപാര്ശ തയാറാക്കിയിരുന്നു. തിരുവനന്തപുരത്താണ് ഏറ്റവും കൂടുതൽ ഒഴിവ് റിപ്പോർട്ട് ചെയ്തിട്ടുള്ളത്.

218 ഒഴിവുകളാണ് തിരുവനന്തപുരത്തു റിപ്പോർട്ട് ചെയ്തിട്ടുള്ളത്. അതിനാൽ ഇവിടെ നിന്നുള്ള നിയയമനശുപാര്ശ നവംബറിലായിരിക്കും അയക്കുന്നത്. രണ്ടു ഘട്ട പരീക്ഷയുടെ അടിസ്ഥാനത്തിൽ നിലവിൽ വന്ന ആദ്യ റാങ്ക് പട്ടികയാണ് ഇപ്പോഴത്തേത്. 

2019ലാണ് വിജ്‍ഞാപനം വന്നത്. റാങ്ക്പട്ടിക പ്രസിദ്ധീകരിച്ച് രണ്ട് മാസമായപ്പോഴാണ് നിയമന ശുപാർശകൾ തയാറാക്കാനായത്. മൂന്നു വർഷമാണ് റാങ്ക് പട്ടികയുടെ കാലാവധി.