ആ രാജകീയ വിവാഹ ക്ഷണകത്ത് കാണേണ്ടേ?
ഇന്ത്യന് ക്രിക്കറ്റ് താരം ഹര്ഭജന് സിങും ബോളിവുഡ് താരം ഗീത ബസ്രയെയും വിവാഹിതരാകാന് പോകുന്ന വാര്ത്ത ആവേശത്തോടെയാണ് സോഷ്യല് മീഡിയ ചര്ച്ച ചെയ്തതു. രണ്ട് പേരും ഏറെ നാളായി പ്രണയത്തിലായിരുന്ന കാര്യവും പലര്ക്കും അറിയാം. ഒക്ടോബര് 29 ന് ജലന്ധറില് വച്ച് നടക്കുന്ന ഇവരുടെ വിവാഹത്തിന് നിരവധി സെബ്രിറ്റികളാകും ചടങ്ങില് പങ്കെടുക്കാന് എത്തുക. വിവാഹം എന്ന് കേള്ക്കുമ്പോള് തന്നെ സെലിബ്രിറ്റികള് മാത്രമല്ല എല്ലാവരും ആദ്യം തന്റെ ഇഷ്ടത്തിന് തിരഞ്ഞെടുക്കാന് ആഗ്രഹിക്കുന്നത് അവരുടെ ക്ഷണകത്ത് തന്നെയായിരിക്കും.
വ്യത്യസ്തമായതും പുതുമയുള്ളതുമായ കാര്ഡുകള് തിരഞ്ഞെടുക്കാനായിരിക്കും വധു വരന്മാര് ആഗ്രഹിക്കുന്നത്. ഹര്ഭജന് സിങും അത്തരത്തിലൊരു വ്യത്യസ്തമായ വിവാഹ ക്ഷണകത്താണ് തിരഞ്ഞെടുത്തിരിക്കുന്നത്. ഓക്ടബോര് 29 ന് നടക്കുന്നത് പഞ്ചാബി രീതിയിലുള്ള വിവാഹം തന്നെയാകും. രാജകീയ രീതിയിലുള്ള ക്ഷണകത്താണ് ഹര്ഭജന് സിങും ഗീത ബസ്രയെയും ചേര്ന്ന് തിരഞ്ഞെടുത്തിരിക്കുന്നത്. ചുവന്ന നിറത്തിലുള്ള ബോക്സിലായിട്ടാണ് കത്ത് ഒരുക്കിയിരിക്കുന്നത്. കത്തിനൊടൊപ്പം തന്നെ സ്വീറ്റ് ബോക്സുകളും അതിഥികള്ക്ക് നല്കും. സ്വര്ണത്തിന്റെ നിറത്തിലാണ് വധു വരന്മാരുടെ പേരുകള് അച്ചടിച്ചിരിക്കുന്നത്. വിവാഹ ഹാളില് കയറാന് അതിഥികള്ക്ക് പ്രത്യേക അഡമിറ്റ് കാര്ഡും ഏര്പ്പെടുത്തിയിട്ടുണ്ട്.
അഞ്ച് ദിവസത്തോളം ആര്ഭാടമായ ആഘോഷവും മറ്റ് ആചാരങ്ങളും ഉണ്ടാകും. ഏഴ് സിനിമകളിലാണ് ഗീത ബസ്ര ഇതുവരെയും അഭിനയിച്ചത്. വലിയൊരു ഇടവേളയ്ക്ക് ശേഷമാണ് ഇപ്പോള് ഹര്ഭജന് സിങ് ഇന്ത്യന് ടീമില് തിരിച്ചെത്തിയിരിയ്ക്കുന്നത്. ആ സ്ഥിതിയ്ക്ക് വിവാഹക്കാര്യം ഇരട്ടിമധുരം തന്നെയാണ്. ക്രിക്കറ്റിലെയും ബോളിവുഡ് സിനിമയിലെയും പ്രമുഖര് ചടങ്ങില് പങ്കെടുക്കാന് എത്തുമെന്നാണ് അറിയുന്നത്. വന് സുരക്ഷ ക്രമീകരണങ്ങളാണ് ഒരുക്കുന്നതെന്നാണ് അറിയുന്നത്. ജലന്ധറില് നിന്നും 20 കിലോ മീറ്റര് അകലെയുള്ള ഹോട്ടല് ക്ലബ് കബാനായിലാകും വിവാഹം നടക്കുക.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
