സൂപ്പര്‍ താരം പ്രഭാസിന് ഇന്ന് പിറന്നാള്‍. ബാഹുബലിയിലൂടെ കരിയര്‍ മാറിമറിഞ്ഞ നടനാണ് തെലുങ്ക് സൂപ്പര്‍താരം പ്രഭാസ്. വര്‍ഷവും ഛത്രപതിയും ബില്ലയും മിര്‍ച്ചിയും കൊണ്ടുതരാത്ത താരമൂല്യമാണ് അഞ്ചു വര്‍ഷം നീക്കിവച്ച ബാഹുബലി ഇതിനോടകം തന്നെ പ്രഭാസിന് നേടിക്കൊടുത്തത്. ബാഹുബലിയിലൂടെ മലയാളത്തില്‍ പോലും നടന് ആരാധകരേറി.
സൂര്യനാരായണ രാജുവിന്റെയും ശിവകുമാരിയുടേയും ഇളയ മകനായ പ്രഭാസ് 2002 ല്‍ ഈശ്വര്‍ എന്ന സിനിമയിലൂടെയാണ് തെലുങ്ക് സിനിമാഭൂമിയിലേക്ക് തേരിലേറുന്നത്. രാഘവേന്ദ്ര, വര്‍ഷം തുടങ്ങി എണ്ണം പറ!ഞ്ഞ സിനിമകള്‍. ഛത്രപതിയെന്ന സിനിമ പ്രഭാസിനെ സൂപ്പര്‍ താരമാക്കി.
ആരാധകര്‍ക്കു വേണ്ടിയായിരുന്നു പ്രഭാസിന്റെ ഓരോ സിനിമയും. അതുകൊണ്ടു തന്നെ ബാഹുബലി പ്രതീക്ഷയുടെ വലിയ ലോകമാണ് ആരാധകര്‍ക്ക് നല്‍കിയത്. സിനിമയ്ക്കു വേണ്ടി വിവാഹം പോലും മാറ്റിവച്ചെന്ന വാര്‍ത്ത അവരെ ആവേശം കൊളളിച്ചു. തടി കൂട്ടാനും മസിലുകള്‍ വര്‍ധിപ്പിക്കാ നും മണിക്കൂറുകള്‍ വര്‍ക്ക് ഔട്ട് ചെയ്യുന്നതും അതിനുവേണ്ടി ദിവസേന നാല്‍പതു മുട്ടയുടെ വെളള കഴിക്കുന്നതും വര്‍ക്കൗട്ടിനായി ഒന്നര കോടിയുടെ ജിം ഉപകരണങ്ങള്‍ വിദേശത്തു നിന്ന് വരുത്തിയതും ആരാധകര്‍ ആഘോഷിച്ചു. താരത്തിന്റെ 36-ാം പിറന്നാളാണിന്ന്.
സൂപ്പര്‍സ്റ്റാര്‍ പദവിയിലേക്ക് കുതിച്ചുയര്‍ന്നെങ്കിലും \'തെലുങ്കു സിനിമയിലെ നമ്പര്‍ വണ്‍\' എന്ന വിശേഷണത്തെക്കുറിച്ച് പ്രഭാസ് പറഞ്ഞത് ഇങ്ങനെയായിരുന്നു:\'\'നമ്പര്‍ വണ്‍ \' എന്നൊന്നും അറിയപ്പെടാന്‍ ആഗ്രഹിക്കുന്നില്ല. പത്തിരുപതു വര്‍ഷം തോല്‍വികളൊന്നുമില്ലാതെ ഈ രംഗത്തു നിന്നവരാണ് യഥാര്‍ത്ഥ ഒന്നാം സ്ഥാനക്കാര്‍. ഒന്നോ രണ്ടോ സിനിമ വിജയിച്ചാല്‍ ഒന്നാം നിര താരമായി എന്നു വിശ്വസിക്കുന്നില്ല.\'\'

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha