ചുംബനസീന് ചിത്രീകരിക്കാന് പാടുപെടും
ബോളിവുഡിലെ സൂപ്പര്സുന്ദരി ഐശ്വര്യറായിയും ബോളിവുഡിലെ ചോക്ലേറ്റ് നായകന് രണ്ബീര് കപൂറും ഒന്നിക്കുന്ന പുതിയ ചിത്രമാണ് കരണ് ജോഹറിന്റെ യേ ദില് ഹൈ മുഷ്കില്. ഈ ചിത്രത്തില് ഐശ്വര്യറായും രണ്ബീര് കപൂറും തമ്മിലുള്ള ഇന്റിമേറ്റ് രംഗങ്ങളുണ്ട്. ഇതില് പ്രധാനം ലിപ് ലോക് ചുംബനരംഗമാണ്. ലിപ് ലോക് ചുംബനസീനില് ഐശ്വര്യറായി അഭിനയിക്കില്ലായെന്ന് പുതിയ റിപ്പോര്ട്ട്. ചിത്രത്തിന്റെ തിരക്കഥ ചുംബനസീന് ആവശ്യപ്പെടുന്നുണ്ടെങ്കിലും അഭിനയിക്കാന് തയാറായല്ലായെന്ന് കരണ് ജോഹറിനെ ഐശ്വര്യ അറിയിച്ചിരിക്കുകയാണ്.
ചിത്രത്തിന്റെ കഥാ ചര്ച്ചാവേളയില് തന്നെ ഐശ്വര്യറായി ഇക്കാര്യം കരണിനോടു പറഞ്ഞിരുന്നതാണത്രേ. ബച്ചന് കുടുംബവുമായി നല്ല ബന്ധം പുലര്ത്തുന്ന കരണ് ചിത്രത്തില് നിന്നു ചുംബനസീന് പൂര്ണമായും ഒഴിവാക്കിയിട്ടില്ലായെങ്കിലും ചുംബനസീനിന്റെ തീവ്രത കുറഞ്ഞുപോകാത്ത വിധം ചില കാമറ ടെക്നിക്കുകളൊക്കെ ഉപയോഗപ്പെടുത്തി രംഗം ചിത്രത്തില് ഉള്പ്പെടുത്താനാണ് നീക്കം.
ഇനി ലിപ് ലോക്കിനില്ലെന്ന തീരുമാനത്തിലാണ് ആഷ്. ബോളിവുഡിലെ സൂപ്പര്താരം അഭിഷേക് ബച്ചന്റെ ഭാര്യയായ ശേഷം അഭിനയത്തില് നിന്നുവിട്ടുനില്ക്കുകയായിരുന്നു ഐശ്വര്യറായി. ഇര്ഫാന് ഖാന് നായകനായ ജസ്ബ എന്ന ചിത്രത്തിലൂടെയാണ് ഐശ്വര്യറായി അടുത്തിടെ വീണ്ടും സിനിമയില് തിരിച്ചെത്തിയത്. 2016ല് ദീപാവലി ചിത്രമായിട്ടായിരിക്കും ചിത്രം പ്രദര്ശനത്തിനെത്തുക. അനുഷ്ക ശര്മയും ഫവാദ് ഖാനും ചിത്രത്തില് പ്രധാന വേഷത്തില് അഭിനയിക്കുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha