ആരാധകരെ കയ്യിലെടുക്കാന്‍ പറഞ്ഞ ബാല്യകാല സ്മരണങ്ങള്‍ ബോളിവുഡ് താരത്തിന് കൊടുത്തത് എട്ടിന്റെ പണി!!
ഒരു പരിപാടിയില്‍ പങ്കെടുക്കുമ്പോള്‍ പറഞ്ഞകാര്യം ഇത്രയേറെ തിരിച്ചടിക്കുമെന്ന് ബോളിവുഡ് താരം പരിണീതി ചോപ്ര ഒരിക്കലും കരുതിക്കാണില്ല. സോഷ്യല്‍ മീഡിയയിലെ ട്രോളുകള്‍ക്കും മുന്‍ സുഹൃത്തുക്കളുടെ പരിഹാസത്തിന് ഇരയായിരിക്കുകയാണ് ഇപ്പോള്‍ നടി. മുംബൈയില്‍ ഒരു ആയോധന പരിശീലന കേന്ദ്രത്തില്‍ അക്ഷയ് കുമാറിനൊപ്പം പരിപാടിയില്‍ പങ്കെടുക്കവെ നടി പറഞ്ഞ കള്ളമാണ് വിനയായത്.
എങ്ങിനെയുണ്ടായിരുന്നു സ്‌കൂള്‍ കാലമെന്നായിരുന്നു അക്ഷയിന്റെ ചോദ്യം. സ്‌കൂള്‍ പഠന സമയത്ത് താന്‍ ദരിദ്രയായിരുന്നെന്നും ആയോധന കലയൊന്നും പഠിക്കാന്‍ പണമില്ലെന്നുമായിരുന്നു നടിയുടെ മറുപടി. വലിയ ബുദ്ധിമുട്ടായിരുന്നു അന്ന്. സ്‌കൂളില്‍ സൈക്കിളിലായിരുന്നു പോയിരുന്നത്. വീട്ടില്‍ ചേട്ടന്മാര്‍ പഠിക്കുന്നു. കാര്‍ വാങ്ങാന്‍ പണമില്ല. ബസ്സില്‍ പോകുവാന്‍ പോലും പണമില്ല. അതുകൊണ്ട് ദിവസവും സൈക്കിളിലായിരുന്നു സ്‌കൂളില്‍ പോയിരുന്നത്. പലവട്ടം ഇതേചൊല്ലി അമ്മയുമായി വഴക്കിടാറുണ്ടെന്നും പരിണീതി പറഞ്ഞു. അതേസമയം, നടിയുടെ സ്‌കൂള്‍ സഹപാഠി കാനു ഗുപ്ത ഫേസ്ബുക്കില്‍ മറുപടി നല്‍കിയതോടെ സംഭവം വൈറലായി
നാണക്കേട് പരിണീതി, ഒരു വലിയ കുടുംബത്തില്‍ നിന്ന് വന്നിട്ട് ക്യാമറയ്ക്ക് മുന്‍പില്‍ നിന്ന് കള്ളം പറയരുത്. എനിക്കറിയാം ഒരു സെലിബ്രിറ്റി എന്താണെന്ന്. ഒരു കള്ളക്കഥ മെനഞ്ഞ് കാറില്ല, പണമില്ല എന്ന് പറയുകയാണ്. ഒരേ സ്‌കൂളില്‍ പഠിച്ചിരുന്നതുകൊണ്ടു തന്നെ ഞാന്‍ അവരുടെ അച്ഛന് കാറുണ്ടായിരുന്നുവെന്ന് ഓര്‍ക്കുന്നു. അന്നത്തെ കാലത്ത് സ്‌കൂളില്‍ സൈക്കിളില്‍ പോകുന്നത് ഒരു ട്രെന്‍ഡായിരുന്നു. കാരണം അന്ന് എല്ലാവര്‍ക്കും സൈക്കിള്‍ ഇല്ലായിരുന്നു. കോണ്‍വെന്റ് ഓഫ് ജീസസ് മേരിയില്‍ പഠിച്ച എന്റെ എല്ലാ സുഹൃത്തുക്കളും പരിണീതി പറയുന്നത് പച്ചക്കള്ളമാണെന്ന് മനസ്സിലാകും- കാനു ഗുപ്ത കുറിക്കുന്നു.
https://www.facebook.com/Malayalivartha
