താന്‍ ഏത് പടത്തിലഭിനയിക്കണമെന്ന് അഭിഷേകല്ല തീരുമാനിക്കുന്നതെന്ന് ഐശ്വര്യാറായി
ഭര്‍ത്താവിനേക്കാള്‍ വലിയ താരവും നടിയും സ്വന്തം നിലയ്ക്ക് തീരുമാനങ്ങളെടുക്കാന്‍ കെല്‍പ്പും ഉള്ളവളാണ് ഭാര്യയെങ്കില്‍ ഏത് ഭര്‍ത്താവും മുട്ട് മടക്കും. അഭിഷേക് ബച്ചന്റെ കാര്യത്തിലും ഇതാണ് സംഭവിച്ചതെന്ന് ബോളിവുഡ് വൃത്തങ്ങള്‍ പറയുന്നു. നീണ്ട ഇടവേളയ്ക്ക് ശേഷം രണ്‍ബീര്‍ കപൂറിന്റെ നായികയായാണ് ഐശ്വര്യ രണ്ടാം വരവ് നടത്തിയത്. അതിര് വിട്ട് ശരീരം പ്രദര്‍ശിപ്പിക്കുകയും കിടപ്പിറ രംഗങ്ങളില്‍ അഭിനയിക്കുകയും ചെയ്തിട്ടും ക്ലച്ച് പിടിച്ചില്ല. അങ്ങനെയിരിക്കുമ്പോഴാണ് ഒരു ബിഗ് പ്രോജക്ട് വന്നത്. അതും നായികാ പ്രാധാന്യമുള്ള സിനിമ. സല്‍മാന്‍ഖാന്‍ ആയിരുന്നു നായകന്‍.
എന്നാല്‍ പഴയകാമുകന്‍ സല്ലുവിനൊത്ത് അഭിനയിക്കാന്‍ ഐശ്വര്യ തയ്യാറായില്ല. കോടികള്‍ പ്രതിഫലം കിട്ടുമെന്ന് അറിയാമായിരുന്നിട്ടും താരം പിന്‍മാറിയത് പലരെയും ഞെട്ടിച്ചു. ഒടുവില്‍ പ്രൊഡക്ഷന്‍ കമ്പനി സല്‍മാനെ മാറ്റി അക്ഷയ്കുമാറിനെ കാസ്റ്റ് ചെയ്തു. ഐശ്വര്യാറായിക്ക് വലിയ സന്തോഷമായി. അപ്പോഴുണ്ട് അടുത്ത പുകിലുമായി അഭിഷേക് ബച്ചനെത്തി. അക്ഷയ്കുമാരിന്റെ കൂടെ തന്റെ ഭാര്യയെ അഭിനയിപ്പിക്കില്ലെന്ന് അഭിഷേക് തുറന്നടിച്ചു. നിര്‍മാതാക്കളും സംവിധായകനും അഭിഷേകിനെ നേരില്‍ കണ്ട് സംസാരിച്ചെങ്കിലും ഒരു വിട്ട്വീഴ്ചയ്ക്കും താരം തയ്യാറായില്ല. അക്ഷയ്കുമാറിനെ മാറ്റിയ ശേഷം വിളിക്കാന്‍ പറഞ്ഞു.
എന്നാല്‍ തന്റെ കരിയറില്‍ അഭിഷേക് അനാവശ്യമായി ഇടപെട്ടത്ത് ഐശ്വര്യാറായിക്ക് ഇഷ്ടമായില്ല. അഭിഷേകിനോട് ഇക്കാര്യം സംസാരിച്ചെങ്കിലും ശരിയായില്ല. അവസാനം അമിതാഭ്ബച്ചനും ജയാബച്ചനുമായും സംസാരിച്ച ശേഷം ഐശ്വര്യാറായി അഭിനയിക്കാന്‍ തീരുമാനിച്ചു. ഇക്കാര്യം പ്രൊഡക്ഷന്‍ കമ്പനിയെയും സംവിധായകനെയും വിളിച്ച് അറിയിച്ചു. ഇനി എന്ത് സംഭവിക്കുമെന്ന് കാത്തിരുന്ന് കാണാം. പൊതുവെ മാതാപിതാക്കളെ അനുസരിക്കുന്ന അഭിഷേക് മുട്ടുമടക്കുമെന്നാണ് അറിയുന്നത്.
https://www.facebook.com/Malayalivartha
