പ്രശസ്ത ഹോളിവുഡ് നടിയും സംവിധായികയുമായ റെജീന കിങ്ങിന്റെ മകന്‍ ഇയാന്‍ അലക്സാണ്ടര്‍ ആത്മഹത്യ ചെയ്ത നിലയില്‍. മരണകാരണ കാരണം ആത്മഹത്യയെന്നാണ് നടിയുടെ വക്താവ് അറിയിച്ചിരിക്കുന്നത്. 26-ാം പിറന്നാള്‍ ദിനത്തിലാണ് റെജീന കിങ്ങിന്റെ ഏക മകൻ ഇയാന്‍ ആത്മഹത്യ ചെയ്തത്. മറ്റ് കൂടുതൽ വിവരങ്ങളൊന്നും പുറത്ത് വിട്ടിട്ടില്ല.

എന്റെ കുടുംബം ഇയാന്റെ മരണത്തിന്റെ ഞെട്ടലിലാണ്. മറ്റുള്ളവരുടെ സന്തോഷത്തെ കരുതി ജീവിക്കുന്ന പ്രകാശമായിരുന്നു അവന്‍. ഈ സമയത്ത് ഞങ്ങളുടെ സ്വകാര്യതയെ മാനിക്കണം- റെജീന കിങ്ങ് വ്യക്തമാക്കി. ഇയാന്‍ അലക്സാണ്ടര്‍ സീനിയറില്‍ റെജീനയ്ക്ക് ജനിച്ച മകനാണ് ഇയാന്‍ അലക്സാണ്ടര്‍ ജൂനിയര്‍. 1997 ലായിരുന്നു ഇവരുടെ വിവാഹം. 2007 ല്‍ ഇവര്‍ വിവാഹമോചിതരായി. റെജീനയുടെ സംരക്ഷണത്തിലാണ് മകന്‍ വളര്‍ന്നത്.