അമ്മയിൽ നിന്നും ബിനീഷ് കോടിയേരിയെ പുറത്താക്കുമോ ?..മറുപടിയുമായി ഇടവേള ബാബു
ബംഗളൂരു മയക്കുമരുന്ന് കേസുമായി ബന്ധപ്പെട്ട് എൻഫോഴ്സ്മെന്റ് ഡയറക്റ്ററേറ്റ് അറസ്റ്റ് ചെയ്ത ബിനീഷ് കോടിയേരിയെ താര സംഘടനയായ അമ്മയിൽ നിന്നും പുറത്താകുമെന്ന സ്ഥിരീകരിക്കാത്ത വാർത്തകൾ പുറത്തുവന്നിരുന്നു. എന്നാൽ ഇപ്പൊൾ ബിനീഷ് കോടിയേരിയുടെ അറസ്റ്റിൽ പ്രതികരണവുമായി അമ്മ ജനറൽ സെക്രട്ടറി ഇടവേള ബാബു രംഗത്തെത്തി. അമ്മ എക്സിക്യൂട്ടീവ് യോഗത്തിൽ വിഷയം ചർച്ച ചെയ്യുമെന്ന് ഇടവേള ബാബു പറഞ്ഞു.അമ്മ പ്രസിഡന്റെ മോഹൻലാലിൻറെ സൗകര്യം കൂടി പരിഗണിച്ചാകും യോഗത്തിന്റെ തിയതി നിശ്ചയിക്കുക.
താര സംഘടനയായ അമ്മയിൽ അംഗമാണ് ബിനീഷ് കോടിയേരി .നിരവധി ചലച്ചിത്രങ്ങളുടെ ഭാഗമായ ബിനീഷ് സെലിബ്രറ്റി ക്രിക്കറ്റ് ലീഗിൽ അമ്മയുടെ ടീമായ കേരളാ സ്ട്രൈക്കേഴ്സിലെ സ്ഥിരം കളിക്കാരനുമാണ്. അതുകൊണ്ട് തന്നെ വിഷയം എക്സിക്യൂട്ടീവ് യോഗത്തിൽ ഉൾപ്പെടുത്തുമെന്നാണ് ലഭിക്കുന്ന വിവരം.
കൊച്ചിയിൽ നടിയെ ആക്രമിച്ച കേസുമായി ബന്ധപ്പെട്ട വിഷയത്തിൽ പരിഷ്കരിച്ച നിയമാവലിയിൽ അമ്മ സംഘടനയിലെ അംഗത്തെ സസ്പെൻഡ് ചെയ്യുന്നതിന് എക്സിക്യൂട്ടീവ് കമ്മറ്റിക്കും അംഗത്തെ പുറത്താക്കുന്നതിന് ജനറൽ ബോഡിക്കും അധികാരമുണ്ട്. അതുകൊണ്ട് തന്നെ ബിനീഷ് കോടിയേരിക്ക് നേരെ സസ്പെൻഷൻ അടക്കമുള്ള നടപടിക്ക് സാധ്യതയേറെയാണ്
https://www.facebook.com/Malayalivartha