ഫഹദ് ഫാസിലും തെന്നിന്ത്യൻ ലേഡി സൂപ്പര് സ്റ്റാര് നയന്താരയും ഒന്നിക്കുന്നു; ചിത്രം ഒരുക്കുന്നത് മലയാളികളുടെ ഇഷ്ട സംവിധായകന് അല്ഫോന്സ് പുത്രൻ
ഫഹദ് ഫാസിലും തെന്നിന്ത്യയിലെ ലേഡി സൂപ്പര് സ്റ്റാര് നയന്താരയും ഒരു ചിത്രത്തിനായി ഒന്നിക്കുന്നു. മലയാളികളുടെ ഇഷ്ട സംവിധായകന് അല്ഫോന്സ് പുത്രനാണ് ചിത്രം ഒരുക്കുന്നത്. പാട്ട് എന്നാണ് ചിത്രത്തിന് പേരിട്ടിരിക്കുന്നത്. സംവിധായകന് അല്ഫോന്സ് പുത്രനാണ് സോഷ്യല്മീഡിയയിലൂടെ സിനിമയെ കുറിച്ചുള്ള വിവരങ്ങള് നല്കിയത്. സക്കരിയ തോമസും ആല്വന് ആന്റണിയും ചേര്ന്നാണ് ചിത്രം നിര്മിക്കുന്നത്.
സിനിമയുടെ കൂടുതല് വിവരങ്ങള് പുറത്തുവിട്ടിട്ടില്ല. പ്രേമത്തിന് ശേഷം അല്ഫോന്സ് പുത്രന് മലയാളത്തില് സംവിധാനം ചെയ്യുന്ന ചിത്രമാണ് പാട്ട്. ആദ്യമായാണ് ഫഹദ് ഫാസിലും നയന്താരയും ഒരു ചിത്രത്തിനായി ഒന്നിക്കുന്നത്.
നേരത്തേ ഫഹദിനെ നായകനാക്കി സിനിമ ഒരുക്കുന്ന കാര്യം അല്ഫോന്സ് പുത്രന് സോഷ്യല്മീഡിയയിലൂടെ അറിയിച്ചിരുന്നു. ചിത്രത്തിന്റെ സംഗീത സംവിധാനം നിര്വഹിക്കുന്നതും താന് ആയിരിക്കുമെന്ന് അല്ഫോന്സ് അറിയിച്ചിരുന്നു.ലൗ ആക്ഷന് ഡ്രാമയ്ക്ക് ശേഷം കുഞ്ചാക്കോ ബോബന് നായകനാകുന്ന നിഴല് എന്ന ചിത്രത്തിലാണ് നയന്താര നായികയായി എത്തുന്നത്. സിനിമയുടെ ചിത്രീകരണം തുടരുകയാണ്.
ഫാസില് നിര്മിക്കുന്ന മഹേഷ് നാരായണന് തിരക്കഥയൊരുക്കുന്ന ഫഹദിന്റെ പുതിയ ചിത്രവും കഴിഞ്ഞ ദിവസം പ്രഖ്യാപിച്ചിരുന്നു. കോവിഡ് ലോക്ക്ഡൗണിനിടയില് ചിത്രീകരിച്ച് പുറത്തിറങ്ങിയ സീ യു സൂണിന് ശേഷം ഫഹദും മഹേഷ് നാരായണനും ഒന്നിക്കുന്ന ചിത്രമാണ് മലയന്കുഞ്ഞ്. നവാഗതനായ സജിമോന് ആണ് ചിത്രം സംവിധാനം ചെയ്യുന്നത്.
https://www.facebook.com/Malayalivartha
