ലിജോ ജോസ് പെല്ലിശ്ശേരി സംവിധാനം ചെയ്ത 'ജല്ലിക്കട്ട്​' 93ാമത് ഓസ്കാർ പുരസ്കാരത്തിന് മികച്ച അന്താരാഷ്ട്ര ഫീച്ചർ ഫിലിം കാറ്റഗറിയിലേക്ക് തെരഞ്ഞെടുത്തതിൽ നിന്നും പുറത്ത്. മികച്ച അന്താരാഷ്​ട്ര സിനിമ വിഭാഗത്തിലേക്ക്​ തെരഞ്ഞെടുക്കപ്പെട്ട സിനിമകളുടെ ലിസ്റ്റില്‍ ജല്ലിക്കട്ടിന് ഇടം നേടാനായില്ല. മാർച്ച് 19 നാണ് തൊണ്ണൂറ്റിമൂന്നാമത് അക്കാദമി അവാർഡുകൾ പ്രഖ്യാപിക്കുന്നത്. ബെസ്റ്റ്​ ലൈവ്​ ആക്ഷന്‍ ഷോര്‍ട്ട്​ ഫിലിം വിഭാഗത്തില്‍ ഇന്ത്യയില്‍ നിന്നുള്ള ബിട്ടു ഇടം നേടുകയുണ്ടായി. 2019 ൽ പുറത്തിറങ്ങിയ ജെല്ലിക്കെട്ടിന് നിരവധി നിരൂപക പ്രശംസ നേടാൻ സാധിച്ചിരുന്നു.  ആന്റണി വർഗീസ്, ചെമ്പൻ വിനോദ്, ശാന്തി ബാലചന്ദ്രൻ തുടങ്ങിയവരാണ് ചിത്രത്തിലെ പ്രധാന അഭിനേതാക്കൾ.