ബിഗ് ബോസ് സീസണ്‍ 3ല്‍ നിന്നും കഴിഞ്ഞ ദിവസം ഒരാള്‍ കൂടി പുറത്തായിരിക്കുകയാണ്. ആരായിരിക്കും പുറത്തേക്ക് പോവുന്നതെന്ന തരത്തിലുള്ള നിരവധി ചര്‍ച്ചകള്‍ നേരത്തെ തന്നെ സജീവമായി വന്നിരുന്നു. വൈല്‍ഡ് കാര്‍ഡ് എന്‍ട്രിയിലൂടെ ഷോയിലേക്കെത്തിയ അഭിനേത്രി മിഷേലായിരുന്നു കഴിഞ്ഞ ദിവസം ബിഗ് ബോസിൽ നിന്നും ഔട്ടായത്. ഒന്നൊന്നര വരവായിരുന്നുവെങ്കിലും തുടക്കത്തിലെ പ്രതീക്ഷ നിലനിര്‍ത്താന്‍ താരത്തിന് കഴിഞ്ഞില്ല എന്നത് കാണുവാൻ സാധിച്ചു. പുറത്തേക്ക് വരാനുള്ള കാരണമായി മാറിയതും ഇക്കാര്യമായിരുന്നുവെന്നാണ് അശ്വതിയും അഭിപ്രായപ്പെടുകയാണ്.

മിനിസ്‌ക്രീന്‍ പ്രേക്ഷകര്‍ക്ക് സുപരിചിതയായി മാറിയ അഭിനേത്രിയായ അശ്വതി കുറിച്ച കുറിപ്പ് ഏറെ ശ്രേധേയമാകുകയുയാണ്. ബിഗ് ബോസ് എപ്പിസോഡുകള്‍ മുടങ്ങാതെ കണ്ട് വിലയിരുത്തലുകളുമായെത്താറുണ്ട് ഈ താരം. ഫേസ്ബുക്ക് പോസ്റ്റിലൂടെയായാണ് താരം അഭിപ്രായം രേഖപ്പെടുത്താറുള്ളത്. മിഷേലിനെക്കുറിച്ചും പുതിയ ക്യാപ്റ്റനായ നോബിയെക്കുറിച്ചുമുള്ള കുറിപ്പുമായാണ് അശ്വതി എത്തിയിട്ടുള്ളത്.

ഫേസ്ബുക്ക് പോസ്റ്റിന്റെ പൂര്‍ണ്ണരൂപം ഇങ്ങനെ:

ബൈ മിഷേൽ, ചൂടെണ്ണയിൽ കടുകിട്ട പോലത്തെ വരവ് ആരുന്നു. അത് മെയ്‌ന്റൈൻ ചെയ്യാൻ സാധിക്കാതെ പോയി. എന്തായാലും നല്ലൊരു ഭാവി ഉണ്ടാകട്ടെ. എല്ലാവിധ ആശംസകളും. നോബി ചേട്ടൻ ക്യാപ്റ്റൻ ആയി,ആരെയും വെറുപ്പിക്കാൻ ഇഷ്ടമില്ലാതെ സേഫ് ഗെയിം കളിക്കുന്ന നോബിചേട്ടൻ എങ്ങനെ ഈ വീക്ക്‌ കൊണ്ടുപോകുമെന്ന് കണ്ടറിയാം. എന്തായാലും പുതിയ കോൺടെന്റ് ഉരുവായിട്ടുണ്ട് സന്ധ്യയുടെ ബ്ലൗസ് . ഈ ആഴ്ചത്തെ വൈരാഗ്യത്തിന് ഒള്ള കാരണമായി. കാണാം എന്തായി തീരുമെന്ന്, ഇങ്ങനെയായിരുന്നു അശ്വതി കുറിച്ചത്.

അതേസമയം സങ്കടം ഉണ്ട് പോകാൻ എന്നാണ് മോഹൻലാലിനോട് മിഷേൽ പറഞ്ഞത്. ഇതുകൂടാതെ വൈൽഡ് കാർഡ് എൻട്രി ഉണ്ടെങ്കിൽ തനിക്ക് ഒരു അവസരം കൂടി തരണം എന്നും മിഷേൽ ലാലിനോട് അഭ്യർത്ഥിക്കുകയുണ്ടായി. മാത്രമല്ല ബിഗ് ബോസ് വീട്ടിൽ വീട്ടിൽ തനിക്ക് ഭാഗ്യലക്ഷ്മി ചേച്ചി, അഞ്ചല് തുടങ്ങിയവരെ മിസ് ചെയ്യും എന്നും മിഷേൽ വ്യക്തമാക്കിയിരുന്നു.