മലയാള ബിഗ്‌സ്‌ക്രീൻ പ്രേക്ഷകരിലേക്ക് നിർമ്മാതാവായി വന്ന് അഭിനയതാവായി തിളങ്ങിയ താരമാണ് ദിനേശ് പണിക്കർ. ഇന്നിപ്പോൾ മിനി സ്ക്രീൻ പ്രേക്ഷകർക്ക് ആനന്ദവർമ്മയായിട്ടാണ് ദിനേശ് പണിക്കരെ അറിയാവുന്നത്. നിരവധി ഹിറ്റ് ചിത്രങ്ങൾ നിർമ്മാണം ചെയ്തു മലയാള സിനിമയിൽ തിളങ്ങിയ ആളായിരുന്നു ദിനേശ്പണിക്കർ.

മോഹൻലാലിൻറെ എക്കാലത്തെയും ഹിറ്റ് ചിത്രങ്ങളിലൊന്നായ കിരീടമായിരുന്നു ദിനേശ് പണിക്കർ ആദ്യമായി നിർമ്മാണം ചെയ്തത്. ഇതിനുശേഷം പ്രണയവർണ്ണങ്ങൾ, മയിൽപീലിക്കാവ്, സ്റ്റാലിൻ ശിവദാസ് തുടങ്ങിയ ചിത്രങ്ങളായിരുന്നു നിമ്മാണം ചെയ്തത്. ഏറ്റവും ഒടുവിലായി ടി എസ് ഷാജിയുടെ ചിരികുടുക്ക ആയിരുന്നു ദിനേശ്പണിക്കർ നിർമ്മിച്ചത്. ദിനേശ്പണിക്കരുടെ ഏറ്റവും ജനശ്രദ്ധ പിടിച്ചുപറ്റിയ സിനിമകളായിരുന്നു കിരീടവും മയിൽ പീലികാവും.

ഇപ്പോഴിതാ തന്റെ ഏറ്റവും മോശം സിനിമയെ കുറിച്ച് തുറന്നു പറയുകയാണ് ദിനേശ്പണിക്കർ. മമ്മൂട്ടി അഭിനയിച്ച സ്റ്റാലിൻ ശിവദാസായിരുന്നു ഏറ്റവും വലിയ പരാജയ സിനിമയായി ദിനേശ്പണിക്കർ പറയുന്നത്. ഒരു പ്രമുഖ ചാനലിന് നൽകിയ അഭിമുഖത്തിലൂടെയാണ് താരം ഇക്കാര്യം വ്യക്തമാക്കിയത്.

തന്റെ സമയ ദോഷം കൊണ്ടായിരുന്നു ആ ചിത്രം പരാജയമായത് എന്നായിരുന്നു അദ്ദേഹം പറഞ്ഞത്. 1999 ൽ പുറത്തിറങ്ങിയ ഈ ചിത്രത്തിന് വിജയം കൈവരിക്കുമെന്നായിരുന്നു കരുതിയത്. എന്നാൽ ഏറ്റവും വലിയ പരാജയ മായിരുന്നു. മമ്മൂട്ടിയുമായി ഏറ്റവും അടുപ്പമുളള ആളാണ് താൻ. അദ്ദേഹത്തിന്റെ പുതിയ ചിത്രങ്ങളായ പ്രീസ്റ്റിലും വണ്ണിലും താൻ അഭിനയിച്ചിരുന്നു. ഇന്നും അദ്ദേഹത്തിന് തന്നോട് സ്നേഹമായിരുന്നു എന്നാണ് പറഞ്ഞത്.

മമ്മുക്കയെ വെച്ച് താനെടുത്ത ചിത്രമായ സ്റ്റാലിൻ ശിവദാസ് വൻ പരാജയമായിരുന്നു. അന്നത്തെ കാലത്ത് ആ ചിത്രത്തിന് തനിക്ക് 16 ലക്ഷത്തോളം നഷ്ടം ആയിരുന്നു. 22 വർഷങ്ങൾക്ക് മുൻപ് ആ തുക വലിയൊരു നഷ്ട്ടം തന്നെ ആയിരുന്നു. അന്ന് അത്പോയി കഴിഞ്ഞിട്ടും മമ്മൂക്കയ്ക്ക് ഇന്നും തന്നോട് വലിയ സ്നേഹമാണ്. അന്ന് അത്രയും നഷ്ടം വന്നുവെങ്കിലും ഒരു രൂപ പോലും തിരിച്ച് കിട്ടിയില്ലെങ്കിലും തനിക്ക് വലിയൊരു ദുഃഖമില്ലെന്നും ദിനേശ് പണിക്കർ പറയുന്നുണ്ട്.

കൂടാതെ തന്റെ വിജയ ചിത്രങ്ങളെകുറിച്ചും താരം മനസ്സ് തുറക്കുന്നുണ്ട്. ആദ്യ ചിത്രമായ കീരീടമായിരുന്നു ഏറ്റവുംകൂടുതൽ വിജയിച്ചത്. പിന്നീട് വലിയ സാമ്പത്തിക ലാഭം നേടി തന്ന ചിത്രമായിരുന്നു 1998 ൽ പുറത്തിറങ്ങിയ സിബിമലയിൽ സംവിധാനം ചെയ്ത പ്രണയ വർണ്ണങ്ങൾ. അതൊരു കളർഫുൾ ചിത്രമായിരുന്നു.തോക്കെടുക്കുന്ന സുരേഷ് ഗോപിയെ ആയിരുന്നില്ല ചിത്രത്തിൽ കണ്ടത്. മഞ്ജുവാര്യരും എല്ലാവരും തകർത്ത് അഭിനയിച്ച ചിത്രമായിരുന്നു ഇതെന്നും ദിനേശ് പണിക്കർ കൂട്ടിച്ചേർത്തു.

മലയാളസിനിമയിൽ 2007 ലായിരുന്നു ദിനേശ്പണിക്കർ അഭിനയതാവായി എത്തിയത്. റോയ്ക്ക് ആൻഡ് റോളായിരുന്നു ആദ്യ ചിത്രം. ഇതിനുശേഷം സഹനടനായും വില്ലൻ കഥാപാത്രമാണ് നിരവധി സിനിമകളിൽ താരത്തെ മലയാളികൾ കണ്ടിരുന്നു. സിനിമയിലെ പോലെ സീരിയലുകളിലും ഇപ്പോൾ താരം സജീവമാണ്. 2021 ൽ പുറത്തിറങ്ങിയ മമ്മൂട്ടി ചിത്രമായ പ്രീസ്റ്റാണ് ഏറ്റവും ഒടുവിൽ പുറത്തിറങ്ങിയ ദിനേശ് പണിക്കർ അഭിനയിച്ച ചിത്രം.