മലയാള കുടുംബ പ്രേക്ഷകരുടെ പ്രിയതാരമായി ആക്ഷൻ ചിത്രങ്ങളുടെ തിളങ്ങിയ നായികയാണ് വാണിവിശ്വനാഥ്. സംവിധായകനും നടനുമായ ബാബുരാജുമായുള്ള പ്രണയ വിവാഹമായിരുന്നു വാണിയുടേത്. വിവാഹശേഷം താരം സിനിമയിൽ നിന്നും അപ്രത്യക്ഷമാകുകയായിരുന്നു. ഇപ്പോളിതാ വാണി വിശ്വനാഥിന്റെ സിനിമയിലേക്കുള്ള തിരിച്ചു വരവിനെ കുറിച്ച് തുറന്നു പറയുകയാണ് ബാബുരാജ്.

വാണി ഇപ്പോൾ മക്കളായ ആർദ്രയ്ക്കും ആർച്ചയ്ക്കും ഒപ്പം കുടുംബിനിയുടെ റോൾ അസ്വദിക്കുകയാണ്. ഇടയ്ക്ക് രാഷ്ട്രീയത്തിലേക്കും വാണി വന്നിരുന്നു. ഒരു പ്രമുഖ മാധ്യമത്തിന് നൽകിയ അഭിമുഖത്തിലൂടെയാണ് താരം വാണിയെ കുറിച്ചുള്ള കൂടുതൽ കാര്യങ്ങൾ വെളിപ്പെടുത്തിയിരിക്കുന്നത്.

വാണിയെ ഉടൻ സിനിമയിൽ കാണാൻ കഴിയുമോ എന്ന ചോദ്യത്തിന് മറുപടി ആയാണ് ബാബുരാജ് വാണി വിശ്വനാഥിന്റെ സിനിമാ ജീവിതത്തെ കുറിച്ച് പറഞ്ഞത്. ഇടയ്ക്ക് തന്നോടൊപ്പം ഒരു സിനിമ ചെയ്തതായിരുന്നു. വാണി സിനിമ ചെയ്യേണ്ട എന്ന് തീരുമാനിച്ചിട്ടില്ല. ഇപ്പോള്‍ സിനിമ ചെയ്യാന്‍ താല്‍പര്യമില്ല അതാണ് കാരണം. മലയാളത്തിലാണ് സിനിമ ചെയ്യാതിരിക്കുന്നത് . ഇടയ്ക്ക് രണ്ട് തെലുങ്ക് സിനിമയില്‍ വാണി അഭിനയിച്ചിരുന്നു. മലയാളത്തില്‍ നിന്നുള്ള അവസരങ്ങളൊക്കെ വരുന്നുണ്ട്. കുറെ ആളുകൾ കഥയും പറയുന്നുണ്ട്.

കുട്ടികളെയും അവരുടെ പഠന കാര്യങ്ങളുംനോക്കി തിരക്കിലാണ് വാണിയെന്നുമായിരുന്നു ബാബുരാജ് പറഞ്ഞത്. വാണിയുമായുള്ള പ്രണയത്തെക്കുറിച്ച് അടുത്തിടെ മറ്റൊരു അഭിമുഖത്തില്‍ ബാബുരാജ് തുറന്നു പറഞ്ഞതായിരുന്നു. പാചകത്തിലൂടെയാണ് വാണിയുടെ മനസ്സിൽ ഇടം നേടിയത്. താൻ നന്നായി നോണ്‍ വെജിറ്റേറിയന്‍ പാചകം ചെയ്യാറുണ്ട്. അതിനാൽ, കുക്കിങ്ങിന് വിട്ടെങ്കിലും ജീവിക്കാനാവുമെന്ന് അവൾ മനസ്സിലാക്കുകയായിരുന്നുവെന്ന് ബാബുരാജ് അന്നത്തെ അഭിമുഖത്തിൽ പറഞ്ഞിരുന്നത്. വില്ലത്തരം മാത്രമല്ല കോമഡിയും സ്വഭാവ വേഷങ്ങളുമെല്ലാം വാണിയുടെ കൈയ്യിൽ ഇപ്പോഴും ഭദ്രമായിരിക്കുമെന്ന് ബാബുരാജ് കൂട്ടിചേർത്തു.