സിനിമാതാരങ്ങളുടെ ജീവിതത്തെ കുറിച്ചറിയാനുള്ള താല്പര്യം കൂടുതലാണ്. ഇപ്പോളിതാ നടൻ ബാലുവർഗീസിന്റെയും നടിയും മോഡലുമായ എലീന കാതറീന്റെയും ബേബി ഷവർ ഫോട്ടോസാണ് ആരാധകർ ഏറ്റെടുത്തിരിയ്ക്കുന്നത്.

ആദ്യ കൺമണിയെ കാത്തിരിയ്ക്കുന്നതിനിടയിൽ സുഹൃത്തുക്കൾ അടുത്തിടെ ഇവർക്കായി ബേബി ഷവർ ഒരുക്കിയിരുന്നു. ബേബി ഷവറിനിടെ പകർത്തിയ ഏതാനും ചിത്രങ്ങളായിരുന്നു ബാലു പങ്കുവെച്ചത്. നടൻ ആസിഫ് അലി കുടുംബസമേതം ബേബി ഷവറിൽ പങ്കെടുക്കാൻ എത്തിയിരുന്നു.

"ആൺകുട്ടിയോ പെൺകുട്ടിയോ ആവട്ടെ,നീയൊരുപാട് സന്തോഷം കൊണ്ടുവരും”എന്നാണ് ചിത്രങ്ങൾ പങ്കുവച്ചുകൊണ്ട് ബാലു കുറിച്ചത്. നിറവയറുമായി നില്‍ക്കുന്ന എലീനയ്ക്കരികിലുള്ള ചിത്രം പങ്കുവച്ചുകൊണ്ട് കഴിഞ്ഞ ജനുവരിയിലാണ് താനൊരു അച്ഛനാവാൻ പോവുന്നുവെന്ന വാർത്ത ബാലു ആരാധകരെ അറിയിച്ചത്.

2021 മേയിലാണ് കുഞ്ഞതിഥി എത്തുകയെന്നും ബാലു കൂട്ടിച്ചേർത്തിരുന്നു. 2020 ഫെബ്രുവരിയിൽ ആയിരുന്നു യുവനടൻ ബാലു വർഗീസും നടിയും മോഡലുമായ എലീന കാതറീനും തമ്മിലുള്ള വിവാഹം നടന്നത്.

നടനും സംവിധായകനുമായ ലാലിന്റെ സഹോദരി പുത്രനാണ് ബാലു വർഗീസ്. ലാൽ ജോസിന്റെ ‘ചാന്തുപൊട്ടി’ലൂടെയാണ് ബാലു വർഗീസ് അഭിനയരംഗത്ത് എത്തിയത്. ഹണി ബീ, കിങ് ലയർ, വിജയ് സൂപ്പറും പൗർണമിയും, ഇതിഹാസ തുടങ്ങി നിരവധി സിനിമകളിൽ അഭിനയിച്ചിട്ടുണ്ട്.

ഏറെ നാളത്തെ പ്രണയത്തിനുശേഷമാണ് ബാലുവും എലീനയും വിവാഹിതരായത്. എലീനയുടെ പിറന്നാൾ ദിനത്തിലാണ് ബാലു വിവാഹ അഭ്യർഥന നടത്തിയത്. ഇക്കാര്യം എലീന തന്റെ ഇൻസ്റ്റഗ്രാം പേജിലൂടെ അറിയിച്ചതോടെയാണ് ഇരുവരും പ്രണയത്തിലാണെന്ന വിവരം പ്രേക്ഷകർ അറിഞ്ഞത്.