മിമിക്രി വേദികളിലൂടെ സിനിമയിലെത്തിയ താരമാണ് തെസ്‌നി ഖാന്‍. കോമഡി വേഷങ്ങളിൽ മാത്രമല്ല സഹതാരമായും ഇപ്പോൾ അഭിനയിക്കുന്നുണ്ട്.

സ്റ്റേജ് ഷോ കളിലൂടെയും ഹാസ്യ പരിപാടികളിലൂടെയുമാണ് തെസ്‌നി ഖാൻ പ്രശ്‌സതിയിലേക്ക് എത്തുന്നത്.
സ്‌ക്രീനില്‍ എന്നും പ്രേക്ഷകരെ ചിരിപ്പി്ച്ചിട്ടുള്ള തെസ്‌നി തന്റെ ജീവിതത്തെ കുറിച്ച് മനസ് തുറക്കുകയാണ്.

തന്റെ വിവാഹ ജീവിതത്തെ കുറിച്ചാണ് തെസ്‌നി ഖാന്‍ മനസ് തുറന്നത്. രണ്ട് മാസം മാത്രം ആയുസുണ്ടായിരുന്ന വിവാഹ ബന്ധത്തെ കുറിച്ചാണ് തെസ്‌നി മനസ് തുറക്കുന്നത്.

1998 ൽ ഇറങ്ങിയ ഡെയ്സി എന്ന സിനിമയിൽ കൂടിയാണ് നടി വെള്ളിത്തിരയിലേക്ക് ചുവട് വയ്ക്കുന്നത്. മലയാള സിനിമയിലെ മിക്ക സൂപ്പർ സ്റ്റാറുകൾക്ക് ഒപ്പവും തെസ്‌നി അഭിനയിച്ചിട്ടുണ്ട്.

എംജി ശ്രീകുമാർ അവതരിപ്പിക്കുന്ന പറയാം നേടാമിൽ അതിഥിയായെത്തിയപ്പോഴായിരുന്നു തെസ്‌നി ഖാൻ തന്റെ ജീവിതത്തെപ്പറ്റി മനസ്സ് തുറന്നത്.

തെസ്‌നി ഖാന്റെ വാക്കുകൾ ഇങ്ങനെ

ഇനി വിവാഹം കഴിക്കാൻ താൽപ്പര്യമില്ല.എല്ലാവർക്കും ജീവിതത്തിൽ അബദ്ധങ്ങൾ പറ്റാറുണ്ട്. എനിക്ക് അത് പോലെ പറ്റിയൊരു അബദ്ധമായിരുന്നു വിവാഹം.

ജീവിതത്തിൽ എല്ലാ കാര്യങ്ങളും സൂക്ഷിച്ച് കരുതലോടെ ജീവിക്കുന്നയാളാണ്. സിനിമയിലേക്ക് വന്നപ്പോഴും അങ്ങനെ തന്നെയാണ്.

തിരിഞ്ഞുനോക്കുമ്പോൾ സന്തോഷമാണ്. പറ്റിപ്പോയൊരു അബദ്ധമാണ് വിവാഹം. കൂടിപ്പോയാൽ 2 മാസം. വിവാഹമെന്ന് പറഞ്ഞാൽ സംരക്ഷണവും ആവശ്യമാണ്.

കെട്ടുന്നയാളിൽ നിന്നും നമ്മൾ അതാണ് പ്രതീക്ഷിക്കുന്നത്. അല്ലാതെ അവൾ എന്ത് വേണേലും ആയിക്കോട്ടെ എന്ന മട്ടിലാണെങ്കിൽ പിന്നെന്തിനാണ് വിവാഹം.

15 വർഷം മുൻപായിരുന്നു അത്. വളരെ സിംപിളായാണ് വിവാഹം നടത്തിയത്. എന്നെ നോക്കില്ല, സംരക്ഷണമില്ല, ഒന്നും നോക്കുന്നില്ല അങ്ങനെയായിരുന്നു ആൾ.

പേരിന് മാത്രം ഒരു ഭർത്താവ്. വിവാഹ ശേഷം കുടുംബത്തിനൊപ്പം സന്തുഷ്ടമായി കഴിയാനായിരുന്നു ആഗ്രഹിച്ചത്.

പുള്ളിയുടെ സുഹൃത്തുക്കൾ തന്നെയായിരുന്നു കലാജീവിതത്തിലേക്ക് തിരിച്ച് വരുന്നതിനെക്കുറിച്ച് പറഞ്ഞത്.

ഇപ്പോൾ നല്ല സന്തോഷമുണ്ട്. സ്വന്തമായൊരു ഫ്‌ളാറ്റ് മേടിക്കണമെന്നുണ്ടായിരുന്നു അത് സ്വന്തമാക്കി. മരണം വരെ അച്ഛനെ നോക്കി. ഇനി അമ്മയെ നോക്കുക.