രോഹിത് വി എസ് സംവിധാനം ചെയ്ത കള തിയേറ്ററുകളിൽ മികച്ച പ്രതികരണം നേടി മുന്നേറുകയാണ്. ടോവിനോ തോമസിന്റെയും സുമേഷ് മൂറിന്‍റേയും മികച്ച പ്രകടനമാണ് സിനിമയിലെതെന്ന് പ്രേക്ഷകരും നിരൂപകരും ഒരേ സ്വരത്തിൽ പറഞ്ഞിരിക്കുകയാണ്.

വയലൻസിന്‍റെ അതിപ്രസരമുള്ളതിനാൽ തന്നെ ചിത്രത്തിന് എ സര്‍ട്ടിഫിക്കറ്റ് ലഭിച്ചാണ് തിയേറ്ററുകളിൽ എത്തിയത്. ഇപ്പോഴിതാ ചിത്രത്തിലെ കിടപ്പറ രംഗങ്ങളുടെ മേക്കിങ് വീഡിയോ ടൊവിനോ തന്നെ ഇൻസ്റ്റാഗ്രാമിൽ പോസ്റ്റ് ചെയ്തിരിക്കുകയാണ്.

'കള' ബിഹൈൻഡ് ദി സീൻസ്, ഇങ്ങനെയാണ് ഞങ്ങൾ ഇത് ചെയ്തത്, ഞാനെന്‍റെ വാക്കു പാലിച്ചു എന്ന കുറിപ്പോടു കൂടിയാണ് ടൊവിനോ ഇൻസ്റ്റയിൽ വീഡിയോ പങ്കുവെച്ചിരിക്കുന്നത്.

കിടക്കയിൽ മലന്ന് കിടക്കുന്ന ടൊവിനോയുടെ മുകളിൽ കയറിയിരുന്നാണ് ഛായാഗ്രാഹകൻ അഖിൽ ജോര്‍ജ്ജ് രംഗം ചിത്രീകരിച്ചത്. സമീപത്തായി നായിക ദിവ്യ പിള്ള ഇരിക്കുന്നതും വീഡിയോയിൽ കാണുന്നുണ്ട്.

അഡ്വഞ്ചേഴ്‌സ് ഓഫ് ഓമനക്കുട്ടന്‍, ഇബിലീസ് എന്നീ ചിത്രങ്ങൾക്കു ശേഷം രോഹിത് വിഎസ് സംവിധാനം ചെയ്ത ചിത്രമാണിത്. കളയിലെ സംഘട്ടന രംഗങ്ങളുടെ ചിത്രീകരണത്തിനിടെ ടൊവിനോ തോമസിന് പരുക്കേറ്റത് ഏറെ വാർത്താ ശ്രദ്ധ പിടിച്ചു പറ്റിയിരുന്നു.

ദിവ്യ പിള്ള, ലാല്‍, പതിനെട്ടാം പടി ഫെയിം സുമേഷ് മൂർ തുടങ്ങി നിരവധി താരങ്ങളാണ് ചിത്രത്തിൽ അഭിനയിച്ചിരിക്കുന്നത്.