ഭാര്യ ദിവ്യയ്ക്കൊപ്പമുള്ള 17-ാം വര്‍ഷത്തിന്റെ സന്തോഷം പങ്കുവച്ച്‌ വിനീത് ശ്രീനിവാസൻ.8 വര്‍ഷത്തെ പ്രണയത്തിനൊടുവില്‍ 2012 ഒക്ടോബര്‍ 18 നാണ് വിനീതും ദിവ്യയും വിവാഹിതരാകുന്നത്.

“കുറച്ച്‌ ദിവസങ്ങള്‍ക്ക് മുമ്പ്, രാത്രി, ഞാനും ദിവ്യയും മക്കളെ ഉറക്കിയതിന് ശേഷം, ഞങ്ങളുടെ കട്ടിലിന്റെ ഓരത്ത് ഇരുന്ന് പതിയെ സംസാരിക്കുകയായിരുന്നു. ഈ ദിവസങ്ങളില്‍ ഞങ്ങള്‍ക്ക് വേണ്ടി മാത്രമുള്ള നിമിഷങ്ങള്‍ എന്ന് പറയാവുന്നത് ഇത് മാത്രമാണ്.

പതിനേഴ് വര്‍ഷം ആകുന്നു. ഭാ​ഗ്യത്തിന് ഒന്നും മാറിയിട്ടില്ല.. അല്ലേ എന്ന് ഞാന്‍ ചോദിച്ചപ്പോള്‍ അവള്‍ കുറച്ച്‌ സമയം ഒന്നും മിണ്ടാതെ ഇരുന്നു. എന്നിട്ട് പറഞ്ഞു, ' ഒരുപാട് കാര്യങ്ങള്‍ മാറിപ്പോയി. നീയും ഞാനും മാറി. മാറാത്തത് നമ്മളില്‍ പരസ്പരമുള്ള വികാരം മാത്രമാണ്' .. ഞാന്‍ ചിരിച്ചു.

അവളും ചിരിച്ചു. മാര്‍ച്ച്‌ 31, പതിനേഴ് വര്‍ഷങ്ങള്‍ക്ക് മുന്‍പ് ഈ ദിവസമാണ് ഞാന്‍ അവളോട് പ്രണയം തുറന്ന് പറഞ്ഞത്. അവള്‍ സമ്മതം പറഞ്ഞു. കണ്ണടച്ച്‌ തുറക്കുമ്ബോഴേക്കും 17 വര്‍ഷങ്ങള്‍ കഴിഞ്ഞു. ആശംസകള്‍ ദിവ്യ”. വിനീത് കുറിച്ചു.