രാജമാണിക്യത്തില്‍ അച്ഛന്റെ അനിയനായും , സല്യൂട്ടില്‍ ഇപ്പോള്‍ ഇതാ മകന്റെ ചേട്ടനായും അഭിനയിക്കുകയുണ്ടായി. സംഭവം കുറച്ച്‌ സിനിമാറ്റിആയതുകൊണ്ട് തന്നെ ആ സന്തോഷം മനോജ് കെ ജയന്‍ മനസ് നിറഞ്ഞ് പങ്കുവയ്ക്കുകയും ചെയ്യുകയാണ്. ഇന്‍സ്‌റ്റഗ്രാമിലൂടെയാണ് താരം ഇക്കാര്യം പങ്കുവെച്ചുകൊണ്ട് രംഗത്ത് എത്തിയത്. ദുല്‍ഖര്‍ സല്‍മാനും സംവിധായകന്‍ റോഷന്‍ ആന്‍ഡ്രൂസും ഒരുമിക്കുന്ന ആദ്യ ചിത്രമായ സല്യൂട്ടില്‍ ദുല്‍ഖറിന്റെ ചേട്ടനായിട്ടാണ് താരം സിനിമയിൽ അഭിനയിക്കുന്നത്.

2005ല്‍ പുറത്തിറങ്ങിയ രാജമാണിക്യം എന്ന സിനിമയില്‍ മമ്മൂട്ടിയുടെ അനുജനായി മനോജ് കെ ജയന്‍ വേഷമിട്ടിരുന്നു. എന്നാല്‍, അന്ന് ഒരു തരത്തിലും ദുല്‍ഖറിന്റെ ചേട്ടനായി ഒരു സിനിമയില്‍ വേഷമിടുമെന്ന് ചിന്തിച്ചിരുന്നില്ലെന്നും മനോജ് കെ ജയന്‍ പറയുന്നു . ഇതൊരു അപൂര്‍വ ഭാഗ്യമാണെന്നും മനോജ് കെ ജയന്‍ ഓര്‍ത്തെടുക്കുന്നു.

മനോജ് കെ ജയന്റെ ഇന്‍സ്റ്റാഗ്രാം കുറിപ്പ്,

'ഒരുപാട് സന്തോഷവും സ്നേഹവും മനോഹരമായ കുറെ ഓര്‍മ്മകളും സമ്മാനിച്ച്‌ 'Salute' എന്ന എന്റെ പ്രിയപ്പെട്ട സിനിമ pack up ആയി. '2005 'ല്‍ രാജമാണിക്യത്തില്‍ മമ്മൂക്കയുടെ അനുജനായി വേഷമിടുമ്ബോള്‍ ഞാന്‍ ഒട്ടും ചിന്തിച്ചിരുന്നില്ല 2021-ല്‍, ദുല്‍ഖറിന്റെ ചേട്ടനായി എനിക്ക് വേഷമിടേണ്ടി വരുമെന്ന്. ഇതൊരു അപൂര്‍വ്വഭാഗ്യം

ദുല്‍ഖര്‍. എന്തൊരു Sweet person ആണ് മോനെ നീ. Loveyou.. Dear റോഷന്‍ ഇത്, എന്റെ ചേട്ടനാണന്ന് തികഞ്ഞ ആത്മാര്‍ത്ഥതയോടെ, സ്നേഹത്തോടെ എന്നെ ചേര്‍ത്ത് പിടിച്ച്‌, പല തവണ, പല സമയത്ത് സെറ്റില്‍ വച്ച്‌ എല്ലാവരോടുമായി പറഞ്ഞപ്പോള്‍. എനിക്കുണ്ടായ സന്തോഷം, അഭിമാനം പറഞ്ഞറിയിക്കാന്‍ പറ്റാത്തതായിരുന്നു.

എന്നിലെ നടന് തന്ന കരുതലിനും Supportനും നൂറു നന്ദി. my brilliant Director. ബോബി സഞ്ജയ് യുടെ ഒരു തിരക്കഥയില്‍ കഥാപാത്രമാവാന്‍ ഞാന്‍ ആഗ്രഹിച്ചിരുന്നു കുറെ നാളായി, കാരണം, നവ മലയാള സിനിമയിലെ ഏറ്റവും awesome ആയിട്ടുള്ള script writers ആണ് അവര്‍. കുറച്ച്‌ താമസിച്ചായാലും അവരുടെ മികച്ച ഒരു കഥാപാത്രമാവാന്‍ എനിക്ക് സാധിച്ചു, Thank you Dear Bobby and Sanjay.