മലയാള സിനിമ പ്രേക്ഷകരുടെയും പ്രിയ താരമാണ് ശ്രിയ ശരണ്‍. തെന്നിന്ത്യയില്‍ തിളങ്ങിനിന്ന നായികയായ ശ്രിയ ശരണ്‍ ഇഷ്‍ടം എന്ന തെലുങ്ക് ചിത്രത്തിലൂടെയാണ് ആദ്യമായി സിനിമയിലെത്തിയത്. ഒട്ടേറെ ഹിറ്റ് സിനിമകളുടെ ഭാഗമായി താരമാണ് ശ്രിയ.

ഇപോഴിതാ ഭര്‍ത്താവ് ആൻഡ്രൂക്കൊപ്പമുള്ള ശ്രിയ ശരണിന്റെ ഫോട്ടോയാണ്സോഷ്യൽമീഡിയയിൽ ചര്‍ച്ചയാകുന്നത്. ഭര്‍ത്താവിന് ജന്മദിന ആശംസകള്‍ നേർന്നുകൊണ്ട് ശ്രിയ തന്നെയാണ് ചിത്രം ഷെയർ ചെയ്തിരിക്കുന്നത്.

സന്തോഷകരമായ ജന്മദിന ആശംസകള്‍ ആൻഡ്രൂ. നിങ്ങള്‍ എന്നും ഭാര്യയെ സന്തോഷവതിയാക്കുന്നു, കാരണം അവളാണ് ശരി. എപ്പോഴും നിന്നെ സ്‍നേഹിക്കുന്നു എന്നാണ് ശ്രിയ ശരണ്‍ കുറിച്ചിരിക്കുന്നത്. കുറച്ചുകാലത്തെ പ്രണയത്തിന് ഒടുവിലായിരുന്നു ശ്രിയ ശരണിന്റെയും ആൻഡ്രൂവിന്റെയും വിവാഹം നടന്നത്.

ഇപ്പോള്‍ ആൻഡ്രൂവിനൊപ്പമുള്ള തന്റെ ഫോട്ടോയാണ് ശ്രിയ ശരണ്‍ ഷെയര്‍ ചെയ്‍തിരിക്കുന്നത്. ഒട്ടേറെ പേരാണ് ഫോട്ടോയ്‍ക്ക് ലൈക്കും കമെന്റുമായി എത്തിയിരിക്കുന്നത്.

ഗമനം എന്ന സിനിമയാണ് ശ്രിയ ശരണിന്റേതായി ഉടൻ പ്രദര്‍ശനത്തിന് എത്താനുള്ളത്. നവാഗതനായ സുജന റാവുവാണ് ചിത്രത്തിന്റെ സംവിധാനം നിർവഹിച്ചത്.

ശ്രിയയുടെ അഭിനയ ജീവിതം തുടങ്ങിയത് സംഗീത ആൽബങ്ങളിലൂടെ ആണെങ്കിലും പിന്നീട് തെലുഗു, തമിഴ് ചലച്ചിത്രങ്ങളിൽ അഭിനയിച്ചു തുടങ്ങിയിരുന്നു.

തന്റെ വിദ്യാഭ്യാസകാലത്താണ് ശ്രിയക്ക് ആദ്യമായി ഒരു ചിത്രത്തിൽ അവസരം ലഭിക്കുന്നത്. 2001-ൽ പുറത്തിറങ്ങിയ ഇഷ്ടം ആണ് ആദ്യ ചിത്രം. ഇതിനു ശേഷം 2003-ൽ ആദ്യ തമിഴ് ചിത്രത്തിലും അഭിനയിച്ചിരുന്നു.

രജനികാന്തിന്റെ വിജയചിത്രമായ ശിവാജി ദി ബോസ്സ് എന്ന ചിത്രത്തിലും ശ്രിയ അഭിനയിച്ചു.പോക്കിരിരാജ മലയാള ചിത്രത്തിലൂടെയാണ് മലയാള പ്രേക്ഷകർക്ക് താരത്തെ ഏറെ പരിചയം.