ജനങ്ങളുടെ സുരക്ഷ പ്രധാനമാണെന്ന് ഇനിയെങ്കിലും പറയരുത്; കേന്ദ്രമന്ത്രി അമിത് ഷാ നടത്തുന്ന തിരഞ്ഞെടുപ്പ് പ്രചാരണങ്ങളെ രൂക്ഷമായി വിമ‌ര്‍ശിച്ച്‌ നടി പാര്‍വതി തിരുവോത്ത്
രാജ്യത്ത് കൊവിഡ് വ്യാപനം രൂക്ഷമാകുന്നതിനിടെയും ബംഗാളില്‍ കേന്ദ്രമന്ത്രി അമിത് ഷാ നടത്തുന്ന തിരഞ്ഞെടുപ്പ് പ്രചാരണങ്ങളെ രൂക്ഷമായി വിമ‌ര്‍ശിച്ച്‌ നടി പാര്‍വതി തിരുവോത്ത്. ബംഗാളില്‍ ഇന്ന് നടന്ന അമിത് ഷായുടെ പൊതുയോഗങ്ങളെയും റോഡ് ഷോയും ചൂണ്ടിക്കാട്ടി ഇന്‍സ്റ്റഗ്രാമിലൂടെയാണ് പാര്‍വതിയുടെ വിമര്‍ശനം. ഈ സര്‍ക്കാരിന് ജനങ്ങളുടെ സുരക്ഷ പ്രധാനമാണെന്ന് ഇനിയെങ്കിലും പറയരുതെന്ന് പാര്‍വതി ഇന്‍സ്റ്റഗ്രാം സ്റ്റോറിയില്‍ കുറിച്ചു.
നേരത്തേ, കുംഭമേളയ്‌ക്കെതിരെയും നടി രംഗത്തെത്തിയിരുന്നു. തബ്‌ലീഗ് ജമാഅത്തിനെതിരെ വിമര്‍ശനവുമായി രംഗത്തുവന്നവര്‍ക്ക് കൊവിഡ് രണ്ടാം തരംഗ സമയത്ത് കുംഭ മേള സംഘടിപ്പിക്കുന്നവര്‍ക്ക് പരാതിയില്ലേയെന്നായിരുന്നു പാര്‍വതി ചോദിച്ചത്. കുംഭമേളയില്‍ പങ്കെടുത്തവരില്‍ നൂറിലധികം ആളുകള്‍ക്ക് കൊവിഡ് ബാധിച്ചതിന്റെ വാര്‍ത്തയും പാര്‍വതി ഇന്‍സ്റ്റഗ്രാമില്‍ പങ്കുവെച്ചിരുന്നു.
https://www.facebook.com/Malayalivartha
