ആരാധരുടെ കാത്തിരിപ്പിന് ഇനി വിരാമം; മോഹൻലാൽ ചിത്രം ഉടൻ എത്തുമെന്ന് വിനയൻ
മലയാളം സൂപ്പര്സ്റ്റാര് മോഹന്ലാലിനെ നായകനാക്കി പ്രഖ്യാപിച്ച ചിത്രം ഉടനുണ്ടാകുമെന്ന് സംവിധായകന് വിനയന്. തന്റെ ഏറ്റവും പുതിയ ചിത്രമായ പത്തൊന്പതാം നൂറ്റാണ്ടിന്റെ ലൊക്കേഷന് വീഡിയോ ഫേസ്ബുക്കില് പങ്കുവച്ചതിനു പിന്നാലെ മോഹല്ലാല് ചിത്രത്തെക്കുറിച്ച് കമന്റ് ബോക്സില് ചോദ്യം ഉയർന്നത്. ഇതിനു മറുപടി നല്കിക്കൊണ്ടാണ് അദ്ദേഹം ഇക്കാര്യം അറിയിച്ചത്.
മോഹന്ലാലിനെ നായകനാക്കി 2020ല് ബിഗ് ബജറ്റ് പിരീഡ് ഡ്രാമ ചെയ്യുന്ന കാര്യം വിനയന് നേരത്തെ അറിയിച്ചതായിരുന്നു.
മോഹന്ലാല് സംവിധാനം ചെയ്യുന്ന ബറോസ് പൂര്ത്തിയായതിനു ശേഷമാകും അദ്ദേഹത്തോടൊപ്പമുളള ചിത്രമെന്നും വിനയന് അറിയിച്ചു.
നിലവില് ബറോസിന്റെ ചിത്രീകരണത്തിലാണ് ഇപ്പോൾ മോഹന്ലാല്. ചിത്രത്തിന്റെ സംവിധാനം ചെയ്യുന്നതോടൊപ്പം ചിത്രത്തിലെ നായക കഥാപാത്രമായ ബറോസായി വേഷമിടുന്നതും അദ്ദേഹം തന്നെയാണ്. ബറോസ് പൂര്ത്തിയായാല് പ്രിയദര്ശന് രചനയും സംവിധാനവും നിര്വഹിക്കുന്ന സ്പോര്ട്സ് മുവീയിലാകും ലാൽ അഭിനയിക്കുന്നത്.
https://www.facebook.com/Malayalivartha