ചലച്ചിത്ര നടന് മേള രഘു അന്തരിച്ചു... കൊച്ചിയിലെ ആശുപത്രിയില് ചികിത്സയിലായിരുന്നു
ചലച്ചിത്ര നടന് മേള രഘു എന്ന പുത്തന്വെളി ശശിധരന് (60) അന്തരിച്ചു. കൊച്ചിയിലെ ആശുപത്രിയില് ചികിത്സയിലായിരുന്നു. കഴിഞ്ഞ മാസം 16 ന് വീട്ടില് കുഴഞ്ഞുവീണതിനെത്തുടര്ന്നാണ് അദ്ദേഹത്തെ ആശുപത്രിയില് പ്രവേശിപ്പിച്ചത്.
സര്ക്കസ് കൂടാരത്തിലെ കഥ പറഞ്ഞ കെ.ജി.ജോര്ജിന്റെ മേളയിലൂടെ അരങ്ങേറ്റം കുറിച്ച നടനാണ് രഘു. മമ്മൂട്ടിക്കൊപ്പം നായകതുല്ല്യമായ വേഷമാണ് അതില് രഘു ചെയ്തത്.
സിനിമയില് 40 വര്ഷം പിന്നിട്ട രഘു ഏറ്റവും അവസാനമായി അഭിനയിച്ചത് മോഹന്ലാല് ചിത്രം ദൃശ്യം 2വിലാണ്. രഘു മലയാളത്തിലും തമിഴിലുമായി മുപ്പതിലേറെ ചിത്രങ്ങളില് വേഷമിട്ടിട്ടുണ്ട്.
സംവിധായകന് കെ.ജി.ജോര്ജിന്റെ 'മേള' എന്ന ചിത്രത്തില് മമ്മൂട്ടിക്കൊപ്പം നായകതുല്യമായ വേഷത്തിലാണ് രഘു സിനിമയിലെത്തിയത്. തുടര്ന്നാണ് മേള രഘു എന്നറിയപ്പെട്ടത്.
കമല്ഹാസന്റെ 'അപൂര്വ സഹോദരങ്ങള്' എന്ന ചിത്രത്തിലും ശ്രദ്ധേയ വേഷം ചെയ്തു. 30ല് അധികം സിനിമകളില് അഭിനയിച്ചു. ഭാര്യ: ശ്യാമള. മകള്: ശില്പ
"
https://www.facebook.com/Malayalivartha