റിഹേഴ്സലില് തെറ്റാതെ ചെയ്തെങ്കിലും ഷോട്ട് എടുക്കവെ സംഭവിച്ചത് മറ്റൊന്നായിരുന്നു; ജയറാമിന്റെ ചവിട്ടേറ്റ ഇന്ദ്രന്സ് ഇന്നും എല്ലാവര്ഷവും ആയുര്വേദ ചികിത്സ നടത്തുന്നുണ്ട് വെളിപ്പെടുത്തലുമായി....
മലയാളസിനിമയിൽ തന്റേതായ സ്ഥാനം ഒരുക്കിയ നടനാണ് ഇന്ദ്രന്സ്. സിനിമയുടെ പിന്നണിയിലും മുന്നണിയിലുമായി നാലു പതിറ്റാണ്ടിലേറെ ഇന്ദ്രന്സ് സജീവ സാന്നിധ്യമായിരുന്നു . ഹാസ്യതാരത്തില് നിന്ന് മികച്ച നടനുള്ള സംസ്ഥാനപുരസ്കാരത്തിന് അര്ഹനായ ഇന്ദ്രന്സ് പുതുതലമുറയ്ക്കും ഏറെ സ്വീകാര്യനാണ്.
ഇപ്പോഴിതാ, കാവടിയാട്ടം എന്ന സിനിമയുടെ ഷൂട്ടിംഗിനിടെ ഇന്ദ്രന്സിന് പറ്റിയ ഒരു അപകടത്തെ കുറിച്ച് പറയുകയാണ് സംവിധായകന് അനിയന്. സിനിമയിലെ ഒരു രംഗം ചിത്രീകരിക്കുന്നതിനിടെ ജയറാമിന്റ ചവിട്ട് ഇന്ദ്രന്സിന് ഏല്ക്കുകയായിരുന്നു. റിഹേഴ്സലില് തെറ്റാതെ ചെയ്തെങ്കിലും ഷോട്ട് എടുക്കവെ പൊസിഷന് മാറുകയായിരുന്നത്രേ.
അപ്പോള് പ്രശ്നമൊന്നും തോന്നിയില്ലെങ്കിലും പിന്നീട് ആരോഗ്യപ്രശ്നത്തിന് വഴിവച്ചു. ഇപ്പോഴും എല്ലാവര്ഷവും ഇതുമായി ബന്ധപ്പെട്ട് ഇന്ദ്രന്സ് ആയുര്വേദ ചികിത്സയ്ക്ക് വിധേയനാകാറുണ്ടെന്നും അനിയന് പറയുന്നു.
https://www.facebook.com/Malayalivartha
