മിനിസ്‌ക്രീനിലും ബിഗ് സ്ക്രീനിലും ഒരുപോലെ ആരാധകരുള്ള താരമാണ് ഗോവിന്ദ് പത്മസൂര്യ. ആരാധകർ ജി പി എന്ന് സ്നേഹത്തോടെ വിളിക്കുന്ന ഗോവിന്ദ് പത്മസൂര്യ സിനിമയില്‍ മുന്നേറുന്നതിനിടയിലായിരുന്നു ഡി ഫോര്‍ ഡാന്‍സിലേക്ക് അവതാരകനായി എത്തിയത്. അതോടെ ജി പിയുടെ കരിയറും മാറി മറിയുകയായിരുന്നു. പോസിറ്റീവ് കഥാപാത്രങ്ങളിലൂടെ മാത്രമല്ല നെഗറ്റീവ് വേഷങ്ങളിലൂടെയും ശ്രദ്ധിക്കപ്പെട്ട ജിപിയ്ക്ക് സ്വന്തമായി ഒരു യൂട്യൂബ് ചാനലും ഉണ്ട്. വളരെ രസകരമായ വീഡിയോ പങ്കുവെച്ച് എല്ലായിപ്പോഴും സോഷ്യൽ മീഡിയയിൽ സജീവമാണ് താരം.

ലോക്ഡൗണ്‍ സമയത്തായിരുന്നു യൂട്യൂബ് ചാനല്‍ തുടങ്ങിയത്. താരം റഷ്യൻ യാത്രയിലായിരുന്നു. ബിസിനസ് പാർട്ണറായ അരവിന്ദേട്ടനൊപ്പമായിരുന്നു ജിപിയുടെ റഷ്യൻ യാത്ര. യാത്രയുടെ വീഡിയോയാണ് അടുത്തിടെ വരെ ട്രെൻഡിങ്ങിൽ കിടന്നത്.,

ഇപ്പോഴും എന്തെങ്കിലും വികൃതികളുമായി എത്തുന്ന താരത്തിന്റെ ഇത്തവണത്തെ പിറന്നാളാഘോഷം റഷ്യൻ തെരുവിലായിരുന്നു. റഷ്യയിൽ നിന്ന് കണ്ടു മുട്ടിയ ക്രിസ്റ്റീന എന്ന സുഹൃത്തുമൊത്തുള്ള പിറന്നാളാഘോഷ വീഡിയോയും യാത്രകളുമൊക്കെ ഗോവിന്ദ് പദ്മസൂര്യ യൂട്യൂബിൽ പങ്കുവെച്ചിരുന്നു. റഷ്യൻ യാത്രയൊക്കെ കഴിഞ്ഞ് കൊച്ചിയിൽ തിരിച്ചെത്തിയ ജീപിയ്ക്ക് റഷ്യയിലേക്ക് പറയാതെ മുങ്ങിയതിന് മുട്ടൻ പിറന്നാൾ പണി നൽകുകയായിരുന്നു കൂട്ടുകാരൊക്കെ.

കൊച്ചിയിൽ ജീപിയുടെ കൂട്ടുകാരൊക്കെ ചേർന്ന് ഈ പിറന്നാൾ വലിയ ആഘോഷമാക്കാൻ പദ്ധതിയിട്ടിരിക്കവേയായിരുന്നു റഷ്യയിലേക്ക് ജിപി പറയാതെ മുങ്ങിയത്. വളരെ പെട്ടെന്നായിരുന്നു റഷ്യൻ യാത്ര പദ്ധതിയിട്ടതെന്നും ആരോടും പറയാൻ പറ്റിയിരുന്നില്ലെന്നും ഗോവിന്ദ് നേരത്തേ വ്ലോഗിലൂടെ അറിയിച്ചിരുന്നു.

എന്നാൽ ഇതൊന്നും മുഖവിലയ്ക്കെടുക്കാതെ കൊച്ചിയിലെ ജീപിയുടെ സുഹൃത്തുക്കളെല്ലാം ചേർന്ന് കിടിലൻ പണി നൽകിയിരിക്കുകയാണ്. സർപ്രൈസായി ഒരുക്കിയ ബർത്ത്ഡേ പാർട്ടിയിൽ ഡാൻസറായ കുക്കുവും ഭാര്യയും അവതാരകനായ ലിജോയും നടി ദിവ്യ പിള്ളയുമൊക്കെ അടങ്ങുന്ന വലിയ ഗ്യാങ് തന്നെയാണ് ജിപിയ്ക്ക് പിറന്നാൾ പാർട്ടി ഒരുക്കിയത്.

സർപ്രൈസ് പാർട്ടി ആസ്വദിക്കുന്ന ഗോവിന്ദ് പദ്മസൂര്യയെയും പണികൾ ഇരുകൈയ്യും നീട്ടി സ്വീകരിക്കുകയും അതുപോലെ തന്നെ തിരികെ നൽകുകയും ചെയ്യുന്ന ജിപിയെ വീഡിയോയിൽ കാണാം. എല്ലാത്തിനുമൊടുവിൽ എല്ലാ സുഹൃത്തുക്കൾക്കും സ്നേഹാലിംഗനം നൽകുന്ന ജിപിയെയും വീഡിയോയിൽ കാണാം. ആരാധകരും കമെന്റുകളിലൂടെ ഇവർക്കൊപ്പം പിറന്നാൾ കേമമാക്കിയിരിക്കുകയാണ്.