മലയാളികൾക്ക് ഇന്ന് ഒഴിച്ചുകൂടാനാകാത്ത ഒന്നാണ് ഇന്റർനെറ്റ്. വിവരത്തിനും വിനോദത്തിനും ഒപ്പമുള്ള ഇന്റർനെറ്റിൽ ഇന്ന് കഴിവ് തെളിയിക്കാനും സാദ്ധ്യതകൾ അനവധിയാണ്. കൊറോണയും ലോക്ക്ഡൗണുമൊക്കെ നാലുചുവരിലേക്ക് മനുഷ്യരെ കൊണ്ടെത്തിച്ചപ്പോൾ ആശ്വാസമായതും ഈ ഇന്റർനെറ്റ് തന്നെയാണ് .

എന്നാൽ, ഇന്റർനെറ്റ് ലോകത്തിൽ ആരോഗ്യപരമായി എങ്ങനെ കൂടുകൂട്ടാം എന്നതിനെ കുറിച്ച് പലർക്കും അറിവില്ല. നിരന്തരം മാധ്യമങ്ങളിൽ ഉയരുന്ന വാർത്തകൾ പലതും സോഷ്യൽ മീഡിയയുടെയും മറ്റും ദുരുപയോഗത്തെക്കുറിച്ചാണ്. തീർത്തും വലിയൊരു വെല്ലുവിളി തന്നെയാണ് ഇത്.

അപ്പോഴാണ്, വേറിട്ട പേരും ആശയവുമായി തീർത്തും വ്യത്യസ്തതയുണർത്തുന്ന " കട്ടൻ ചാപ്പി " എന്ന പേരിലൂടെ ഡോക്ടർ വീണ എത്തിയിരിക്കുന്നത്. ഈ ഡോക്ട്ടർക്ക് അറിയാം സമൂഹത്തെ എങ്ങനെ ചികിൽസിക്കണമെന്ന്. എന്താണീ കട്ടൻ ചാപ്പി എന്നല്ലേ നിങ്ങളിപ്പോൾ ആലോചിക്കുന്നത്? അതിന്റെ ഉത്തരവും ഡോക്ടർ തന്നെ പറയും.

'കട്ടൻ ചായ' ഇഷ്ടപ്പെടാത്തവരും 'കട്ടൻ കാപ്പി' ആസ്വദിക്കാത്തവരുമായി മലയാളികളിൽ ആരും തന്നെ ഉണ്ടാകില്ല. എന്നാലിത് "കട്ടൻ ചാപ്പി"യാണ്. ഈ പുത്തൻ കട്ടൻ ചാപ്പിയുടെ റെസിപ്പി എന്തെന്നറിയാനുള്ള ആകാംഷയിലാണ് എല്ലാവരും.

പേരുപോലെ വ്യത്യസ്തമായൊരു ടീസറുമായാണ് കട്ടൻ ചാപ്പി ഇന്ന് എത്തിയിരിക്കുന്നത് . സന്ധ്യ മയങ്ങിയ വേളയിൽ സുഹൃത്തുക്കളുമായി റെസ്റ്റോറന്റിലിരുന്നു തല്ലുപിടിക്കുന്ന ഡോക്ടറെയാണ് ടീസർ വീഡിയോയിൽ കാണാൻ സാധിക്കുക. വിഷയം സോഷ്യൽ മീഡിയയിൽ വൈറലാകുക എന്നതുതന്നെയാണ്. പിന്തിരിപ്പൻ സുഹൃത്തുക്കളോട് ഡോക്ടർ പറയുന്ന വ്യത്യസ്തമായ വാക്കുകളാണ് ടീസറിന്റെ ഹൈലൈറ്റ്. അതെന്താണന്നല്ലേ....? ഇതാ കണ്ടുനോക്കൂ...!