നടിപ്രിയാമണിയുടെയും ഭര്‍ത്താവ് മുസ്തഫ രാജിന്റെയും വിവാഹത്തിന് നിയമപരമായി സാധുതയില്ലെന്ന ആരോപണം ഉന്നയിച്ച് കഴിഞ്ഞ ദിവസം മുന്‍ ഭാര്യ ആയിഷ രംഗത്ത് എത്തിയിരുന്നു. സംഭവത്തിൽ മുസ്തഫയുടെ പ്രതികരണം ഇങ്ങനെയായിരുന്നു, ആയിഷയുടെ ആരോപണം വാസ്‍തവ വിരുദ്ധമാണെന്നും 2013ല്‍ തങ്ങള്‍ വിവാഹമോചിതരായതാണെന്നുമായിരുന്നു.

ഇത് വലിയ വര്‍ത്തയായതിനു പിന്നാലെ ഭര്‍ത്താവുമായുള്ള തന്റെ ബന്ധത്തെക്കുറിച്ച്‌ വെളിപ്പെടുത്തിയിരിക്കുകയാണ് പ്രിയാമണി. തങ്ങളുടെ ബന്ധം സുരക്ഷിതമാണ് എന്നാണ് പ്രമുഖ മാധ്യമത്തിന് നല്‍കിയ അഭിമുഖത്തില്‍ താരം പറഞ്ഞത്.

'മുസ്‍തഫയ്ക്കും, എനിക്കും ഇടയിലുള്ള ബന്ധത്തിന്റെ ദൃഢത ആശയവിനിമയമാണെന്നാണ് താരം പറയുന്നത്. ഇതുവരെ, തങ്ങളുടെ ബന്ധത്തില്‍ വളരെയേറെ സുരക്ഷിതരാണ്, ഇപ്പോഴും, എപ്പോഴും അങ്ങനെയായിരിക്കുമെന്നാണ് പ്രിയ പറയുന്നത്. മുസ്തഫ ഇപ്പോള്‍ യുഎസില്‍ ജോലി ചെയ്യുകയാണ്.

അകലെയായിരിക്കുമ്ബോഴും എല്ലാ ദിവസവും ഇരുവരും പരസ്പരം സംസാരിക്കുമെന്നത് തീര്‍ച്ചപ്പെടുത്തിയതാണെന്നും, എത്ര ജോലി തിരക്കായാലും സുഖമായിരിക്കുന്നവല്ലോ എന്ന് അന്വേഷിക്കാനെങ്കിലും ശ്രദ്ധിക്കാറുണ്ടെന്നും' - എന്നായിരുന്നു പ്രിയാമണിയുടെ വാക്കുകൾ..