മലയാളി ടെലിവിഷൻ പ്രേക്ഷകരുടെ പ്രിയപ്പെട്ട റിയാലിറ്റി ഷോയാണ് മോഹൻലാൽ അവതാരകനായി എത്തുന്ന ബിഗ് ബോസ്. മലയാളത്തിൽ ഷോ ആരംഭിച്ചതുമുതൽ മികച്ച പ്രേക്ഷക സ്വീകാര്യതയാണ് ഷോയ്ക്ക് ലഭിക്കുന്നത്. ബിഗ് ബോസ് റിയാലിറ്റി ഷോയിലൂടെ നിരവധി മികച്ച താരങ്ങളേയും പ്രേക്ഷകർക്ക് ലഭിക്കുന്നുണ്ട്. അത്തരത്തിൽ ബിഗ് ബോസ് സീസൺ ത്രീയിലൂടെ മലയാളികൾ തിരിച്ചറിഞ്ഞ നല്ലൊരു അഭിനേത്രിയാണ് സൂര്യ ജെ മേനോൻ.

ഷോയിൽ വരുന്നതിന് മുൻപ തന്നെ സൂര്യ പ്രേക്ഷകരുടെ ഇടയിൽ ചർച്ചയായിരുന്നു. താരറാണി ഐശ്വര്യ റായ് ബച്ചനോടുള്ള രൂപ സാദ്യശ്യമാണ് താരത്ത പ്രേക്ഷകരുടെ ഇടയിൽ ശ്രദ്ധേയയാക്കിയത് ദേശീയ മാധ്യമങ്ങളിൽ പോലും ഇത് വാർത്തയായിരുന്നു. അതിലൂടെ സൂര്യയുടെ കണ്ണുകൾക്ക് പോലും ആരാധകരേറെയാണ്.

ബിഗ് ബോസ് സീസൺ 3 ലെ മികച്ച മത്സരാർഥിയായികുന്നു സൂര്യ. ടോപ്പ് ഫൈവിലും പ്രതീക്ഷിച്ചിരുന്നു. എന്നാൽ 91ാം ദിവസം പുറത്ത് പോകുകയായിരുന്നു. ഫിനാലെ കഴിഞ്ഞപ്പോഴും ആരാധകർ നിരാശയോടെ പറഞ്ഞത് സൂര്യ ഉണ്ടായിരുന്നെങ്കിൽ ഉറപ്പായും സൂര്യയ്ക്കാകും ഫസ്റ്റ് കിട്ടുകയെന്നാണ്.

എന്നാൽ, ഷോയിൽ നിന്ന് പുറത്തിറങ്ങിയതിന് ശേഷം തെറ്റുധാരണകളുടെ പേരിൽ നിരവധി വിമർശനങ്ങൾ സൂര്യയ്ക്ക് നേരിടേണ്ടി വന്നിരുന്നു. അപ്പോഴും ആരാധകരെ അമ്പരപ്പിക്കുന്ന പ്രതികരണമാണ് സൂര്യ കാഴ്ചവെച്ചത്. പൊട്ടിക്കരഞ്ഞ് മാറിയിരിക്കും എന്ന് കരുതിയവരെയൊക്കെ ഞെട്ടിച്ച പ്രതികരണമായിരുന്നു അത്. അതിലൂടെ വിമര്ശകരെയും തന്റെ ആരാധകരാക്കാൻ സൂര്യയ്ക്ക് സാധിച്ചു.

ഇപ്പോൾ സോഷ്യൽ മീഡിയയിൽ വൈറലാകുന്നത് സൂര്യയയുടെ ഇൻസ്റ്റഗ്രാം പോസ്റ്റാണ്. ഫിനാലെയ്ക്ക് ശേഷം ബിഗ് ബോസ് മത്സരാർഥികളുമായുള്ള ചിത്രം സൂര്യ ഇൻസ്റ്റഗ്രാമിൽ പങ്കുവെച്ചിരുന്നു. എന്നാൽ മണിക്കുട്ടനോടൊപ്പമുള്ള ചിത്രം മാത്രം പോസ്റ്റ് ചെയ്തിരുന്നില്ല. ഇതിന് കാരണം തേടി പ്രേക്ഷകർ എത്തിയിരുന്നു. ഇപ്പോഴിത സൂര്യ ഇതിന് മറുപടി നൽകിയിരിക്കുകയാണ്. ഇൻസ്റ്റഗ്രാം സ്റ്റോറിയായിട്ടാണ് ഇക്കാര്യം വെളിപ്പെടുത്തിയിരിക്കുന്നത്. കൂടാതെ ഈ വിഷയവുമായി ബന്ധപ്പെട്ട് നെഗറ്റീവ് രീതിയിലുള്ള വാർത്തകൾക്കും നടി മറുപടി നൽകിയിട്ടുണ്ട്.

രണ്ടാം സ്ഥാനം നേടിയ സായിക്കൊപ്പമുള്ള ചിത്രം പങ്കുവെച്ചുകൊണ്ടാണ് വിജയികൾക്ക് താരം ആശംസ നേർന്നത്. ഈ ചിത്രത്തിന് കമന്റായിട്ടാണ് മണിക്കുട്ടനോടൊപ്പമുള്ള ചിത്രം ചോദിച്ചുകൊണ്ട് പ്രേക്ഷകർ രംഗത്ത് എത്തിയത്. നിരവധി പേർ ഇതേ ചോദ്യം ആവർത്തിച്ചിരുന്നു. സോഷ്യൽ മീഡിയയിൽ സജീവമായ സൂര്യ ഈ ചോദ്യത്തിന് മറുപടി നൽകിയിരുന്നില്ല. ഇപ്പോഴിത എല്ലാവർക്കുമുള്ള മറുപടിയുമായി താരം എത്തിയിരിക്കുകയാണ്. തന്നെ പിന്തുണച്ച എല്ലാവർക്കും സൂര്യ നന്ദിയും പറയുന്നുണ്ട്.

സൂര്യയുടെ വാക്കുകൾ ഇങ്ങനെ... എന്നെ സഹായിച്ച എല്ലാ കൂട്ടുകാർക്കും ഒത്തിരി നന്ദി പറയുന്നു. എന്നും നിങ്ങളുടെ സ്നേഹം മനസ്സിലുണ്ടാകും. എന്നെ സപ്പോർട്ട് ചെയ്ത എല്ലാ പേജുകൾക്കും പ്രത്യേകം നന്ദിയും സ്നേഹവും അറിയിക്കുന്നുവെന്നും സൂര്യ കുറിച്ചു. കൂടാതെ താൻ ഓക്കെയാണെന്നും താരം പറയുന്നുണ്ട്. അച്ഛനും അമ്മയും നിങ്ങളുടെ സ്നേഹവുമുണ്ടെങ്കിൽ എന്ത് വിഷമം വന്നാലും ഞാൻ ഹാപ്പിയാണെന്നാണ് സൂര്യ പറയുന്നത്. പ്രേക്ഷകരുടെ സന്ദേശങ്ങൾക്ക് മറുപടിയായിട്ടാണ് ഇക്കാര്യം സൂര്യ കുറിച്ചത്.

ഫിനാലെയ്ക്ക് ശേഷം അഭിമുഖീകരിച്ച മറ്റൊരു ചോദ്യത്തിനും സൂര്യ മറുപടി നൽകുന്നുണ്ട്. കുറെ പേർ ചോദിക്കുന്നു.. ഒരു വ്യക്തിയുമായി ഫോട്ടോ എടുത്തില്ലേയെന്ന് ഇനി ആരും അതിനെ കുറിച്ച് ചോദിക്കില്ലെന്ന് വിശ്വസിക്കുന്നു. എല്ലാവരും സന്തോഷത്തോടെ സുരക്ഷിതമായി വീടുകളിൽ ഇരിക്കാനു സൂര്യ പറയുന്നുണ്ട്..

നെഗറ്റീവ രീതിയിൽ തന്റെ ഇൻസ്റ്റഗ്രാം പോസ്റ്റ് പങ്കുവെച്ചവർക്കും സൂര്യ മറുപടി നൽകുന്നുണ്ട്. ഇന്നലെ കൂടി തന്നെ മോശമായ ചിത്രീകരിച്ച യൂട്യൂബ് വീഡിയോ കണ്ടു. എന്റെ കണ്ടന്റ് കൊണ്ട് നിങ്ങൾക്ക് കഞ്ഞി കുടിക്കാൻ വക കിട്ടുന്നുണ്ടെങ്കിൽ സന്തേഷമേയുള്ളുവെന്നാണ് സൂര്യയുടെ മറുപടി. ഇൻസ്റ്റഗ്രാമിൽ മികച്ച ഫോളോവേഴ്സാണ് സൂര്യയ്ക്കുളളത്.