സൗഹൃദവും പ്രണയവും പലവിധ സ്ട്രാറ്റജികളും കൂടിക്കുഴഞ്ഞ ബിഗ് ബോസ് സീസൺ ത്രീ ഇന്നും മലയാളി മനസുകളിൽ നിന്നും മാഞ്ഞിട്ടില്ല. രസകരമായ ടാസ്കുകളും ടാസ്കിൽ തുടങ്ങിന്ന വഴക്കുകളും അത് കാണുന്നതോടെ മത്സരാർത്ഥികളോട് പിണങ്ങി ടാസ്ക് നിർത്തി വെക്കുന്ന ബിഗ് ബോസും എല്ലാം മനോഹരമായ 95 ദിവസങ്ങളാണ് പ്രേക്ഷകർക്ക് സമ്മാനിച്ചത്.

ടാസ്കുകൾക്കിടയിലും മറ്റ് സീസണിൽ ഒന്നും കണ്ടിട്ടില്ലാത്ത സൗഹൃദമായിരുന്നു ബിഗ് ബോസ് സീസൺ ത്രീയുടെ മറ്റൊരു പ്രത്യേകത. മണിക്കുട്ടൻ ഡിമ്പൽ കൂട്ടുകെട്ട്, റിതു റംസാൻ സൗഹൃദം, അനൂപ് മജ്‌സിയ കൂട്ട് , ഡിമ്പൽ മജ്‌സിയ കൂട്ട് , കിടിലം ഫിറോസ് , ഭാഗ്യലക്ഷ്മി , സന്ധ്യ കൂട്ടുകെട്ട്.. മണിക്കുട്ടൻ അനൂപ് ചങ്ങാത്തം... അഡോണി റംസാൻ അങ്ങനെ അവരുടെ ഒരു കൂട്ടം അങ്ങനെ എല്ലാവർക്കും ഇടയിൽ വളരെയധികം സൗഹൃദം ബിഗ് ബോസ് ഷോയിൽ കാണാമായിരുന്നു.

എന്നാൽ, എന്തുകൊണ്ടോ സീസൺ ത്രീ കഴിഞ്ഞതോടെ ആ സൗഹൃദവും കഴിഞ്ഞ മട്ടായിരുന്നു . ഇതിൽ തന്നെ ഏറെ ചർച്ചയായ കൂട്ടുകെട്ട് മജ്‌സിയ ഡിമ്പൽ കൂട്ടായിരുന്നു. ബിഗ് ബോസ് മൂന്നാം സീസണിലൂടെ അടുത്ത സുഹൃത്തുക്കളായി മാറിയവരാണ് ഡിമ്പലും മജ്‌സിയ ഭാനുവും. എന്നാല്‍ ഷോ കഴിഞ്ഞ ശേഷം ഇവര്‍ക്കിടയില്‍ പഴയ സൗഹൃദം ഇല്ലാതെയായി.

ഡിമ്പലിനെതിരെ ആരോപണങ്ങളുമായി മജ്‌സിയ ആണ് ആദ്യം രംഗത്ത് എത്തിയത്. ഡിമ്പല്‍ ഫോണ്‍ എടുത്തില്ലെന്ന് പരാതി പറഞ്ഞാണ് മജ്‌സിയ ആദ്യം എത്തിയത്. ഇതേകുറിച്ച് ഡിമ്പലിന്റെ ഭാഗത്തുനിന്നും പ്രതികരണങ്ങളൊന്നും ഉണ്ടായിരുന്നില്ല. ഇത് പിന്നീട് സൈബറിടം ഏറ്റെടുത്തതോടെ കുറെ ഗോസിപ്പുകൾക്ക് ഈ വിഷയം കാരണമായി. തുടര്‍ന്ന് ഫിനാലെ സമയത്ത് മജ്‌സിയ തന്നെ പ്രകോപിപ്പിക്കുകയും ഉപദ്രവിക്കുകയും ചെയ്യുന്നു എന്ന് പറഞ്ഞ് ഡിമ്പല്‍ രംഗത്ത് എത്തി.

ഡിമ്പലിന്‌റെ വോയിസ് ക്ലിപ്പ് പുറത്തുവിട്ട് സഹോദരി തിങ്കള്‍ ഭാലാണ് ഇത് പുറംലോകത്തെ അറിയിച്ചത്. വോയിസ് ക്ലിപ്പില്‍ ഫിനാലെയ്ക്കിടെയുളള മജ്‌സിയയുടെ പെരുമാറ്റത്തെ കുറിച്ചെല്ലാം ഡിമ്പല്‍ തുറന്നുപറഞ്ഞിരുന്നു. മജ്‌സിയയുടെ ഹറാസ്‌മെന്‌റ് കാരണം താന്‍ വിഷമത്തിലാണെന്നും ഡിമ്പല്‍ പറഞ്ഞു. തുടര്‍ന്ന് നിരവധി പേരാണ് മജ്‌സിയയ്‌ക്കെതിരെ എഷ്യാനെറ്റ് ആക്ഷന്‍ എടുക്കണമെന്ന് ആവശ്യപ്പെട്ട് രംഗത്ത് എത്തിയത്. ഡിമ്പലിന്‌റെ ആരാധകരും മറ്റു മല്‍സരാര്‍ത്ഥികളുടെ ഫാന്‍സും അടക്കം ബിഗ് ബോസ് താരത്തിന് പിന്തുണയുമായി എത്തി.

അതേസമയം ഫിനാലെയ്ക്ക് ശേഷം മജ്‌സിയയുടെതായി വന്ന ഒരു റീല്‍ വീഡിയോയ്ക്ക് താഴെ കമന്റിട്ട ആള്‍ക്ക് ബിഗ് ബോസ് താരം നല്‍കിയ മറുപടിയാണ് വൈറലാവുകയാണ്‌. 'ഹേയ്, ഡിമ്പലുമായി എന്തെങ്കിലും പ്രശ്‌നങ്ങളുണ്ടോ എന്നാണ് ആരാധിക ചോദിച്ചത്. ഇതിന് മറുപടിയായി ഒരു പ്രശ്‌നവുമില്ല, എല്ലാം കഴിഞ്ഞു എന്നാണ് മജ്‌സിയ മറുപടി നല്‍കിയത്. ഇരുവരും തമ്മിലുളള പ്രശ്‌നങ്ങള്‍ കഴിഞ്ഞെന്നാണ് മജ്‌സിയ പറയുന്നത്. എന്നാല്‍ ഡിമ്പലിന്‌റെ ഭാഗത്തുനിന്ന് ഇതേകുറിച്ച് പ്രതികരണമൊന്നും ഉണ്ടായിട്ടില്ല. ഡിമ്പലും ഇതേകുറിച്ച് ഉടനെ പ്രതികരിക്കുമെന്നാണ് ആരാധകര്‍ പ്രതീക്ഷിക്കുന്നത്.

ഏറെ നാളത്തെ കാത്തിരിപ്പുകള്‍ക്കൊടുവില്‍ കഴിഞ്ഞ ആഴ്ചയായിരുന്നു ഫിനാലേ ഷൂട്ട് നടന്നത്. മണിക്കുട്ടനാണ് വിജയകിരീടം ചൂടിയത്. ഇതിന്റെ ചിത്രങ്ങള്‍ സോഷ്യല്‍ മീഡിയയില്‍ വൈറലായി മാറുകയും പിന്നാലെ ട്രോഫിയുമായി എയര്‍പോര്‍ട്ടിലേക്കെത്തിയ മണിക്കുട്ടന്‍ സുഹൃത്തുക്കളുമായി സന്തോഷം പങ്കുവെക്കുന്ന വീഡിയോയും സോഷ്യല്‍ മീഡിയയില്‍ തരംഗമായിരുന്നു. മണിക്കുട്ടന് പിന്നാലെ ഫസ്റ്റ് റണ്ണറപ്പായി മാറിയത് സായി വിഷ്ണു ആയിരുന്നു. വിമര്‍ശനങ്ങള്‍ക്കിടയിലും രണ്ടാം സ്ഥാനത്തെത്തുകയായിരുന്നു.

നൂറു ദിവസം വിഭാവനം ചെയ്ത ഷോ തമിഴ് നാട്ടില്‍ ലോക്ക് ഡൗണ്‍ പ്രഖ്യാപിച്ചതോടെ അപ്രതീക്ഷിതമായി തൊണ്ണൂറ്റിയഞ്ചാം ദിവസം അവസാനിപ്പിക്കേണ്ടി വരികയും മത്സരാര്‍ത്ഥികളെല്ലാം സ്വന്തം നാട്ടിലേക്ക് മടങ്ങിയെത്തുകയും ചെയ്തിരുന്നു. പിന്നാലെ വോട്ടിംഗ് പുനരാരംഭിച്ചപ്പോള്‍ മുതല്‍ മണിക്കുട്ടനും സായിയും തന്നെയായിരുന്നു മുന്നിലുണ്ടായിരുന്നത്. ഫിനാലേയ്‌ക്കെത്തിയ മത്സരാര്‍ത്ഥികളെല്ലാം തങ്ങളുടെ ചിത്രങ്ങളെല്ലാം സോഷ്യല്‍ മീഡിയയില്‍ ശ്രദ്ധേയമായിരുന്നു.