ഓസ്കാർ എന്ന സ്വപ്നത്തിന് കാരണം ലാലേട്ടൻ ആ ദിവസത്തക്കുറിച്ച് സായി
ബിഗ്ഗ്ബോസിലൂടെ മലയാളികൾ കണ്ടുംകേട്ടും അറിഞ്ഞ ഒരു വ്യക്തിത്വമാണ് സായി വിഷ്ണു.
ബിഗ്ഗ്ബോസ് ഫൈനലിൽ രണ്ടാം സ്ഥാനത്തെത്തിയ മത്സരാർത്ഥി.മണിക്കുട്ടൻ കഴിഞ്ഞാൽ മലയാളികൾ ഏവും ഇഷ്ടപ്പെടുന്ന മത്സരാർത്ഥിയെന്ന് തന്നെ വേണം പറയാൻ.എന്നാൽ
രണ്ടാം സ്ഥാനക്കാരനായ സായിക്ക് സമ്മാനം നൽകാഞ്ഞത്ത് സോഷ്യൽ മീഡിയയിൽ ഒരു ചർച്ചയ്ക്ക് ഇടയാക്കിയിരുന്നു.ഈ അടുത്തിടെ താൻ ഒരു പുതിയ യൂട്യൂബ് ചാനൽ
ആരംഭിക്കാൻ പോകുന്നുവെന്നും അത് സപ്പോർട്ട് ചെയ്യണ മെന്നും പറഞ്ഞുകൊണ്ട് സായി എത്തുകയും ചെയ്തിരുന്നു.എന്നാൽ ഇപ്പോളിതാ സായി പങ്കു വെച്ച ഒരു പോസ്റ്റാണ് വൈറലാകുന്നത് .തന്റെ പ്രീയ താരം ലാലേട്ടനോടുള്ള സ്നേഹവും കടപ്പാടും അറിയിച്ചുകൊണ്ടാണ് സായി എത്തിയത്.
സായിയുടെ ഫേസ്ബുക് പോസ്റ്റ്
എനിക്ക് ഏറ്റവും പ്രിയപ്പെട്ട ലാലേട്ടൻ്റെ സിനിമയും, ഞാനും ഒരേ വർഷമാണ് പിറന്നത്. സദയം.❤️
എൻ്റെ ഏറ്റവും പുറകിലെ ഓർമകളിൽ പോലും സിനിമയും, സിനിമാ നടൻ ആവണം എന്നുള്ള സ്വപ്നവും ഉണ്ട്.
കണ്ടതിൽ ഏറ്റവും കൂടുതൽ ലാലേട്ടന്റെ സിനിമകളാണുള്ളത്.
ലാലേട്ടനോടൊപ്പം ചിരിച്ചു, കരഞ്ഞു, കയ്യടിച്ചു, ആർപ്പുവിളിച്ചു.
അത് കൊണ്ട് തന്നെ, സിനിമയെ ഇത്രയും സ്നേഹിക്കാനും, സിനിമാ നടൻ ആവാനുള്ള തീവ്രമായ ഈ ആഗ്രഹത്തിനും ലാലേട്ടൻ ഏറ്റവും മനോഹരമായ കാരണം തന്നെയാണ്.
അഭിനയ വിദ്യാർത്ഥി എന്ന നിലയിൽ മനസു കൊണ്ട് ഗുരു സ്ഥാനത്ത് കാണുന്ന മനുഷ്യൻ ആണ് ലാലേട്ടൻ.
ലാലേട്ടനോടുള്ള ഇഷ്ടവും ബഹുമാനവും അദ്ദേഹം എന്ന അഭിനേതാവിനും അപ്പുറം, അദ്ദേഹത്തിൻ്റെ ചിന്തകളോട്, അറിവിനോട്, എഴുത്തിനോട്, വായനയോട്, യാത്രകളോടും ഒക്കെയായി പടർന്നു പന്തലിച്ചു കിടക്കുന്നു.
സിനിമാ നടനാവാൻ സ്വപ്നം കണ്ടും, അതിനു വേണ്ടി അഹോരാത്രം പരിശ്രമിച്ചും, ഓരോ നിമിഷവും അതിനുവേണ്ടി എന്നെ എന്റെ ഏറ്റവും മികച്ചതാക്കി ഒരുക്കിയും ഈ യാത്ര മുൻപോട്ട് പോകവെ ആണ്, ഒരു ദിവസം , എനിക്ക് ഒരു റോസാപ്പൂവും തന്ന് ലാലേട്ടൻ ലോകത്തിന് എന്നെ പരിചയപ്പെടുത്തുന്നത്.
കാലം എനിക്ക് തന്ന ഏറ്റവും വലിയ അനുഗ്രഹം ആയിരുന്നു അത്.
പിന്നീടു ഓരോ തവണ ലാലേട്ടൻ സായി എന്ന് വിളിക്കുമ്പോഴും ഉള്ളം നിറഞ്ഞാണ് സംസാരിച്ചു കൊണ്ടിരുന്നത്.
ലാലേട്ടൻ്റെ കൈ പിടിച്ച് ഫിനാലെ വേദിയിൽ നിന്നത് എൻ്റെ ജീവിതത്തിലെ ഏറ്റവും മനോഹരമായ നിമിഷമാണ്.
എൻ്റെ ഉള്ളിൽ ഞാൻ ആ കൈ ഇപ്പോഴും എൻ്റെ കയ്യോട് ചേർത്ത് പിടിച്ചിരിക്കുകയാണ്.
ലാലേട്ടനോടൊപ്പം..❤️
https://www.facebook.com/Malayalivartha