വ്യത്യസ്തനായ സീരിയല് താരം അനീഷ് രവിയെ സത്യത്തിലാരും തിരിച്ചറിഞ്ഞില്ല! യൂട്യൂബ് ചാനലിലൂടെ കിട്ടിയ വരുമാനം അവശകലാകാരന്മാര്ക്ക് പങ്കുവച്ച് നടൻ... ഏറ്റെടുത്ത് സോഷ്യൽ മീഡിയ
തന്റെ യൂട്യൂബ് വരുമാനം അവശകലാകാരന്മാര്ക്ക് പങ്കുവച്ച് പ്രശസ്ത സിനിമ സീരിയല് താരം അനീഷ് രവി. ട്രാവല് വ്ളോഗ്സ്, കുക്കറി ഷോകളുമൊക്കെയായി നേരത്തേ ചാനല് ഉണ്ടായിരുന്നെങ്കിലും ലോക് ഡൗണ് സമയത്തെ എഫ്ബി ലൈവിലൂടെ പ്രേക്ഷകരുടെ ജീവിതത്തിലേക്ക് കൂടുതല് അടുത്ത താരം ഇപ്പോള് അനീഷ് രവി വ്ളോഗ്സ് എന്ന യൂട്യൂബ് ചാനല് കൂടുതല് സജീവമാക്കുകയും അതിലെ വരുമാനത്തിന്്റെ ഒരു പങ്ക് നിര്ദ്ധനരായ കലാകാരന്മാര്ക്കും ദുരിതമനുഭവിക്കുന്നവര്ക്കുമായ് മാറ്റി വയ്ക്കാന് തീരുമാനിക്കുകയുമായിരുന്നു.
അനീഷ് രവി വ്ളോഗ്സ് എന്ന യൂടൂബ് ചാനലില് ഇപ്പോള് ടെലികാസ്റ്റ് ചെയ്ത് വരുന്ന 'അതല്ലേ ഇത് ' എന്ന സിറ്റ് കോമും 'നോട്ടി ശില്പ' എന്ന പ്രാങ്ക് ഷോയും ഇതിനകം പ്രേക്ഷകശ്രദ്ധ ആകര്ഷിച്ചു കഴിഞ്ഞു. ഇത്തരം പ്രോഗ്രാമുകളിലൂടെ വളര്ന്ന് വരുന്ന നിരവധി കലാകാരന്മാര്ക്കാണ് അനീഷ് അവസരങ്ങള് നല്കുന്നത്.
തന്്റെ ചാനലിലൂടെ ചുറ്റുപാടുമുള്ള അറിയപ്പെടാത്ത കലാകാരന്മാരെ പരിചയപ്പെടുത്തി, സെലിബ്രിറ്റികളുടെ നര്മ്മസല്ലാപങ്ങള് ഉള്പ്പെടുത്തി, വിവിധ പ്രോഗ്രാമുകളിലൂടെ ഈ ഓണത്തെ ആഘോഷമാക്കുകയാണ് അനീഷ് രവി.
ചിങ്ങം ഒന്ന് മുതല് വ്യത്യസ്ഥങ്ങളായ ഓണ പ്രോഗ്രാമുകളാണ് അനീഷ് രവി വ്ളോഗ്സ് എന്ന ചാനലിലൂടെ വന്നു കൊണ്ടിരിക്കുന്നത്. സ്വന്തം നാടായ ചിറയിന്കീഴുള്ള കാഴ്ചശക്തി നഷ്ട്ടപ്പെട്ട ഉണ്ണിക്കണ്ണന് എന്ന കലാകാരന് തന്്റെ യൂടൂബ് വരുമാനത്തിന്്റെ ഒരു പങ്ക് നല്കി കൊണ്ട് അനീഷ് രവിയുടെ നന്മകള് തുടരുകയാണ്.
https://www.facebook.com/Malayalivartha
