രണ്ട് ദിവസം മുൻപാണ് നടൻ ബാല വീണ്ടും വിവാഹിതനായത്.സോഷ്യൽ മീഡിയയിൽ ഏറെ ചർച്ചയ്ക്ക് വഴിയൊരുക്കിയതാണ് ബാല അമൃത വിവാഹ വേർപ്പെടൽ .അതിന് ശേഷം ബാല വീണ്ടും വിവാഹം കഴിച്ചത് ആരാധകർ ഏറ്റെടുത്തിരുന്നു.നിരവധി പേർ നടന് ആശംസകളുമായി രംഗത്തുവന്നു.

വിവാഹത്തിനു മുമ്പും ശേഷവും ജീവിതത്തിലെ സുപ്രധാന നിമിഷങ്ങൾ താരം ആരാധകരുമായി പങ്കുവെക്കാറുണ്ട്. വിവാഹ ശേഷം ഭാര്യ എലിസബത്തിന് സർപ്രൈസ് സമ്മാനമായി ആഡംബര കാർ നൽകിയതും, ജന്മദിന സമ്മാനമായി അമ്മ താരത്തിന്‍റെ ഭാര്യയ്ക്ക് സ്വർണമാലയും കമ്മലും നൽകിയതൊക്കെ ബാല സോഷ്യൽ മീഡിയയിൽ പങ്കുവെച്ചിരുന്നു.ഇതിന് നല്ല നല്ല ഒരുപാട് കമെന്റ്സുകൾ വന്നതുമാണ്.എന്നാൽ ചില പാപ്പരാസികൾ എലിസബത്തിനെ മോഴമാക്കുന്ന കമെന്റുകൾ പങ്കുവെച്ചിരുന്നു.ഇപ്പോളിതാ ഇതിനെതിരെ പ്രതികരിച്ച് രംഗത്ത് വന്നിരിക്കുകയാണ് ബാല.

ഇതൊരു മുന്നറിയിപ്പ് ആണെന്നും ഇനിയും താൻ ഇത് കേട്ട് നില്‍ക്കുകയുമില്ലെന്നുമാണ് പുതിയ വീഡിയോയില്‍ ബാല സൂചിപ്പിച്ചിരിക്കുന്നത്. തനിക്കും ഭാര്യക്കുമെതിരെയുള്ള നഗറ്റീവ് കമന്റ്സെല്ലാം വ്യാജ ഐഡിയിൽ നിന്നുള്ള പെയ്ഡ് കമന്റുകളാണെന്നാണ് ബാല ആരോപിക്കുന്നത്. ഇതെല്ലാം ആരോ കാശ് കൊടുത്ത് എഴുതിപ്പിക്കുന്നതാണെന്നും ബാല പറയുന്നു.

"എലിസബത്തിന് ഇന്ന് പിറന്നാളാണ്, അപ്പോൾ വളരെ മോശമായി സംസാരിക്കുന്നത് തെറ്റാണ്. ഒരു കുടുംബ ജീവിതം തുടങ്ങുമ്പോൾ ഇത്തരത്തിൽ ചെയ്യുന്നത് വളരെ തെറ്റാണ്. അവർക്ക് അമ്മയും പെങ്ങമാരും ഉണ്ടാകും ഇത്തരത്തിൽ നെഗറ്റീവ് കമന്റിടുന്നത് വളരെ തെറ്റാണ്. ഓരോരുത്തർക്കും സ്വന്തം ജീവിതം നോക്കിയാൽ പോരെ. നല്ലത് ചിന്തിക്കുന്നവർക്ക് നല്ലത് വരും. നിങ്ങൾ നിങ്ങളുടെ കുടുംബത്തിന്‍റെ കാര്യം നോക്കൂ" ബാല ഫേസ്ബുക്കിൽ പങ്കുവെച്ച വീഡിയോയിൽ പറഞ്ഞു.

'എന്നെ കുറിച്ച് ഇങ്ങനെ മോശമായി സംസാരിക്കുന്നതിൽ പ്രശ്നമില്ല. എന്നാൽ എന്‍റെ ഭാര്യയെ കുറിച്ച് ഇങ്ങനെ പറയുന്നത് ശരിയല്ല. നിങ്ങൾ ശരിക്കുള്ള മുഖം കാണിക്കൂ, നമ്പർ താ, സംസാരിക്കാം. ഇത് ലാസ്റ്റ് വാണിങ്ങാണ്'- ഭാര്യയുടെ ജന്മദിനാഘോഷം ഉൾപ്പടെയുള്ള വീഡിയോയിലാണ് നടൻ മുന്നറിയിപ്പുമായി രംഗത്തെത്തിയിരിക്കുന്നത്.